جیکب آباد میں قیامت خیز گرمی، شہر کی شاہراہیں ویران، پانی اور برف کی قلت

جیکب آباد( اُردو پوائنٹ اخبار تازہ ترین۔ 30اپریل۔2015ء) جیکب آباد میں قیامت خیز گرمی، شہر کی شاہراہیں ویران، پانی اور برف کی قلت، گرمی کے باعث 5افراد بے ہوش ہوگئے۔

(جاری ہے)

تفصیلات کے مطابق جیکب آباد میں گرمی کی شدت میں بے پناہ اضافہ ہوگیا ہے شدید گرمی کی وجہ سے شہر کی شاہراہیں ویران وسنسان ہوگئی ہے ، قیامت خیز گرمی نے لوگوں کو گھروں میں محصور کردیا ہے جبکہ گرمی میں پینے کے پانی اور برف کی قلت پیدا ہوگئی ہے ، پانی کی قلت کی وجہ سے شہریوں کو سخت مشکلات کا سامنا کرنا پڑرہا ہے جبکہ بجلی کی لوڈشیڈنگ نے عوام کا جینا دو بھر کردیا ہے ، قیامت خیز گرمی کے باعث شہر میں 5افراد بے ہوش ہوگئے ، گرمی میں ٹھنڈی مشروبات کی مانگ میں بے پناہ اضافہ ہوگیا ہے اور لوگ ٹھنڈی مشروبات کا استعمال کرکے گرمی کو ختم کرنے کی کوشش میں مصروف ہیں، شہریوں نے مطالبہ کیا ہے کہ ایشیا کے گرم ترین علاقہ جیکب آباد میں بجلی کی لوذشیڈنگ ختم کی جائے اور پانی کی قلت کو ختم کرنے کے لیے ہنگامی بنیادوں پر کام کیا جائے۔