لاہور سمیت ملک کے بیشتر حصوں میں تیز ہواؤں نے گرمی کا منہ موڑ دیا

منگل 12 مئی 2015 11:13

لاہور(اُردو پوائنٹ اخبار تازہ ترین۔12مئی2015ء) .لاہور سمیت ملک کے بیشتر حصوں میں چلنے والی تیز ہواؤں نے گرمی کا منہ موڑ دیا ، مرجھائے چہروں پر بھی تازگی آ گئی ، موسم کا حال بتانے والوں نے آئندہ دو روز کے دوران موسم کی صورتحال غیریقینی رہنے اور مزید بارشوں کی نوید سنائی ہے۔

(جاری ہے)

باغوں کے شہر لاہور میں رات گئے تیز ہواؤں کے ساتھ بادل خوب گرجے ، چمکے اور برسے ، لاہور اور اس سے ملحقہ علاقوں میں آج دن بھر سورج اور بادلوں میں آنکھ مچولی رہے گی جبکہ شہر کے مختلف علاقوں میں کہیں کہیں بادل برسنے کا بھی امکان ہے ، دوپہر کے اوقات میں تیز ہوا چلتے رہنے سے موسم خوشگوار رہے گا ۔

ملتان میں آئندہ چوبیس گھنٹوں کے دوران مطلع آبر الود رہے گا ، شام کے وقت بوندا باندی کا امکان ہے ۔ موسم کا حال بتانے والوں نے آئندہ دو روز کے دوران موسم کی صورتحال غیر یقینی رہنے اور مزید بارشوں کی نوید سنائی ہے۔