دارالحکومت کے ہسپتالوں میں انسانی جانوں کا ضیاع حکمرانوں کیلئے لمحہ فکریہ ہے ،بیرسٹر افتخار علی گیلانی
ہفتہ 13 جون 2015 15:21
مظفر آباد (اُردو پوائنٹ اخبار تازہ ترین۔ 13 جون۔2015ء)مسلم لیگ (ن) کے رکن قانون ساز اسمبلی بیرسٹر افتخار علی گیلانی نے کہا ہے کہ دارالحکومت کے ہسپتالوں میں انسانی جانوں کا ضیاع حکمرانوں کیلئے لمحہ فکریہ ہے ڈاکٹر وں کی عدم موجودگی کے باعث اعجاز چوہان کئی گھنٹے تڑپ تڑپ کر جان کی بازی ہار گیا ذمہ داران کیخلاف فوری کاروائی کرکے انہیں کیفر کردار تک پہنچایا جائے دارالحکومت کے ہسپتالوں میں ا یمرجنسی صورتحال کا سامنا کرنے کی صلاحیت موجود نہیں ہے ہیلتھ پیکیج میں مظفرآباد کو بری طرح نظرانداز کیا گیا ہے اور صرف ایک پوسٹ رکھی گئی ہے،جو کہ نا انصافی ہے،ریاست بھر کے ہسپتالوں میں عوام کو بنیادی سہولیات سے محروم رکھا جا رہا ہے ان خیالات کا اظہار انہوں نے عوامی وفود سے گفتگو کرتے ہوئے کیا ان کا کہنا تھا کہ دارالحکومت کے ہسپتال سی ایم ایچ میں سٹی سکین ، ایکسرے مشین ، ایم آر آئی مشین نہیں چلائی جا رہی ہسپتالوں میں فرسٹ ایڈ پوسٹ کی طرح کام ہو رہا ہے ایک سو بیڈ کے ہسپتال میں دوسو سٹاف کی ضرورت ہوتی ہے جبکہ امبور ہسپتال میں 350بیڈ کے ہسپتال کیلئے تین سو کا سٹاف انتہائی کم ہے سی ایم ایچ میں سٹاف کی فراہمی کے باوجود عوام ذلیل و خوار ہو رہے ہیں نواحی علاقوں میں صحت کی سہولیات نہ ہونے کے برابر ہیں انتہائی بری حالت میں موجود ہسپتال عوام کو صحت کی سہولیات پہنچانے میں ناکام ہو چکے ہیں انہوں نے کہا کہ ہیلتھ پیکیج سراسر دھوکہ ہے عوام حکمرانوں کی دھوکہ بازی سے تنگ آچکے ہیں دارالحکومت کی لاکھوں نفوس پر مشتمل آبادی کیلئے حکومت صحت کی سہولیات دینے میں مکمل طور پر ناکام ہو چکی ہے آسامیاں نکال کر چیلوں کو نوازنے کا سلسلہ بند کیا جائے موجودہ حکمران عوام کے قاتل بن چکے ہیں انہیں خطہ کے عوام کی کوئی فکر نہیں ہے ڈسٹرکٹ ہیڈکوارٹرہسپتالوں میں سٹاف مہیا کیا جانا چاہئے انہوں نے کہا کہ آزادکشمیر کے عوام پر موجودہ حکومت ایک عذاب کی طرح مسلط ہے موجودہ حکمران عیاشیوں میں مصروف عمل ہیں عوام کی بددعائیں حکمرانوں کا پیچھا کررہی ہیں اعجاز چوہان کو بہتر طبعی سہولیات نہ ملنے کی وجہ سے موت واقع ہوئی جس کے متعلقہ ذمہ داران کیخلاف سخت کارروائی کر کے انہیں کیفر کردار تک پہنچایا جائے ۔
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.