پیپلز پارٹی کی موجودہ حکومت کاٹھ کی ہنڈیا کی مانند ہے جو باربار چولہے نہیں چڑھ سکتی ، بیرسٹر افتخار علی گیلانی
ہفتہ 4 جولائی 2015 15:07
مظفر آباد (اُردو پوائنٹ اخبار تازہ ترین۔ 04 جولائی۔2015ء)مسلم لیگ ن کے رکن قانون ساز اسمبلی آزادکشمیر بیرسٹر افتخار علی گیلانی نے کہا ہے کہ پیپلز پارٹی کی موجودہ حکومت کاٹھ کی ہنڈیا کی مانند ہے جو باربار چولہے نہیں چڑھ سکتی مفادات کی جنگ لڑنے والے اس وقت جوتیوں میں دال بانٹ رہے ہیں تبدیلی کا وقت آن پہنچا ہے جگ ہنسائی کے خوف سے بے نیاز مفاداتی حکومت کے چرچے دنیا دیکھے گی ان خیالات کا اظہار انہوں نے گزشتہ رو زصحافیوں سے گفتگو کرتے ہوئے کیا پیپلز پارٹی آزادکشمیر کے وزراء مفادات پورے نہ ہونے پر آپس میں لڑ جھگڑ رہے ہیں حکمران مفادات کی خاطر ایک دوسرے کی ٹانگیں کھینچنے میں مصروف ہیں خطہ کے عوام کا مستقبل تباہ کرنے کی اجازت حکمرانوں کو نہیں دینگے اپنے اپنے مفادات کو حاصل کرنے کیلئے وزراء کھینچا تانی میں مصروف ہیں خطہ کے حکمرانوں کو عوامی مشکلات سے کوئی سروکار نہیں ہے عوام کی خوشحالی کے بلند بانگ دعوے کرنیوالے عملاً کوئی کام نہیں کر رہے خطہ میں گورننس کی صورتحال انتہائی خراب ہو چکی ہے مسلم لیگ ن کی قیادت نے حکمرانوں کو جو موقع دیا اس کا کوئی فائدہ نہیں ہوا انہوں نے کہا کہ مسلم لیگ ن کی وفاقی حکومت کشمیریوں کی بھرپور انداز میں ترجمانی کر رہی ہے وزیراعظم پاکستان نے کشمیریوں سے محبت کا عملی ثبوت دیاہے پاکستان میں مسلم لیگ ن کی حکومت آزادکشمیر کے عوام کی فلاح و بہبود اور انہیں حقوق دلانے کیلئے بھرپور کردار ادا کریگی آزادکشمیر ن لیگ کی قیادت وفاقی حکومت کو آزادکشمیر کے عوامی مسائل بارے آگاہ کرنے کے ساتھ ان میں کمی کیلئے اپنا بھرپور کردار ادا کررہی ہے آزادکشمیر کے موجودہ حکمرانوں کی نا اہلی کے باعث عوام نے بے پناہ مشکلات کا سامنا کیا ہے عوام کے مسائل میں کمی لانے کے بجائے حکمران اپنی کرسی پکی کرنے کے چکر میں رہے۔
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.