صوبائی دارالحکومت میں موسلا دھار بارش سے شہر کے نشیبی علاقے ندی نالوں میں تبدیل ہو گئے
منگل 21 جولائی 2015 17:03
لاہور( اُردو پوائنٹ اخبار تازہ ترین۔ 21 جولائی۔2015ء) صوبائی دارالحکومت لاہور میں موسلا دھار بارش سے شہر کے نشیبی علاقے ندی نالوں میں تبدیل ہو گئے ، کئی علاقوں میں بارش کا پانی لوگوں کے گھروں اور دکانوں میں داخل ہو گیا جس سے لاکھوں روپے کا سامان خراب ہو گیا ،شاہراہوں پر کھڑے پانی میں گاڑیاں بند ہونے سے ٹریفک کی روانی بھی متاثر ہوئی ،لیسکو کے درجنوں فیڈرز ٹرپ ہونے سے کئی علاقوں میں بجلی کا نظام گھنٹوں معطل رہا ،محکمہ موسمیات نے بارشوں کا سلسلہ مزید ایک ہفتے تک جاری رہنے کی پیشگوئی کرتے ہوئے کہا ہے کہ راوی میں سیلاب کا کوئی خطرہ نہیں ۔
تفصیلات کے مطابق گزشتہ روز لاہور میں صبح کے وقت گہرے بادل چھانے کے بعد تیز ہوا کے ساتھ اچانک موسلا دھار بارش شروع ہو گئی جو تقریباً ایک گھنٹہ تک جاری رہا جس سے شہر کے نشیبی علاقوں میں کئی کئی فٹ پانی کھڑا ہو گیا ۔(جاری ہے)
مختلف مقامات پر بارش کا پانی لوگوں کے گھروں اور دکانوں میں داخل ہونے سے لاکھوں روپے مالیت کا سامان بھیگ کر خراب ہو گیا ۔
لکشمی چوک، وارث روڈ، عابد مارکیٹ، شادباغ، گڑھی شاہو، شادمان گول چکر ،فیروز پور روڈ،ایک موریہ ، دو موریہ پل، ریلوے اسٹیشن ،شاہ عالم ،چوک نا خدا،چوبرجی ، گلشن راوی، اسلام پورہ،بھاٹی چوک،راوی روڈ ،مزنگ ،کوپر روڈسمیت درجنوں مقامات میں بارش کا کئی کئی فٹ پانی جمع ہونے سے شہریوں کو شدید مشکلات کا سامنا کرنا پڑا۔شہر کے انڈر پاسز میں بھی بارش کا پانی جمع ہوگیا جبکہ مرکزی شاہراہوں پر پانی کھڑا ہونے کی وجہ سے گاڑیاں او رموٹر سائیکلیں بند ہوتی رہیں جس سے ٹریفک کی روانی متاثر ہوئی ۔ شدید بارش کی وجہ سے لیسکو کے درجنوں فیڈرز ٹرپ کر گئے جس سے کئی علاقوں میں بجلی کا نظام گھنٹوں معطل رہا ۔ بارش کا سلسلہ رکنے کے بعد لیسکو کے آپریشنل سٹاف نے بھرپور محنت کے بعد بجلی کا نظام مرحلہ وار بحال کر دیا۔کمشنر لاہور ڈویژن عبد اللہ سنبل،ڈی سی او لاہور کیپٹن (ر) محمد عثمان ، ایم ڈی واسا چوہدری نصیر احمد نے بارش کے دوران نکاسی آب کا جائزہ لینے کے لئے مختلف مقامات کا دورہ کیا ۔ علاوہ ازیں مسلم لیگ (ن) کے مرکزی رہنما حمزہ شہباز شریف نے بھی ایم ڈی واسا چوہدری نصیر احمد کو ٹیلیفون کرکے نکاسی آب کے حوالے سے تفصیلی بریفنگ لی ۔ دوسری طرف چیف میٹرالوجسٹ محمد ریاض نے بتایا کہ بارشوں کا سلسلہ مزید ایک ہفتے تک جاری رہنے کا امکان ہے جس میں عوام کو شدید احتیاط برتنے کی ضرورت ہے۔ انہوں نے ایک سوال کے جواب میں بتایا کہ راوی میں فی الحال سیلاب کا کوئی خطرہ نہیں۔متعلقہ عنوان :
مزید موسم کی خبریں
-
کراچی میں گرمی بڑھ گئی، درجہ حرارت 38 ڈگری تک جانے کا امکان
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.