سید علی گیلانی کی ادھمپور میں کشمیری ٹرک جلائے جانے اور ڈرائیور اور کنڈیکٹر کی شدید مارپیٹ کرنے کی سخت مذمت
پُرتشدد واقعات کو فوری طور پر روک کر واقعہ میں ملوث افراد کو گرفتار کرکے کڑی سے کڑی سزا دی جائے ٗعلی گیلانی کا مطالبہ
ہفتہ 10 اکتوبر 2015 18:52
سرینگر(اُردو پوائنٹ اخبار تازہ ترین۔ 10 اکتوبر۔2015ء) حریت کانفرنس کے بزرگ چیئر مین سید علی گیلانی نے ادھمپور میں کشمیری ٹرک جلائے جانے اور ڈرائیور اور کنڈیکٹر کی شدید مارپیٹ کرنے کی سخت مذمت کرتے ہوئے کہا ہے کہ آر ایس ایس، شیو سینا اور بی جے پی جیسے فرقہ پرست اور مجرمانہ ذہنیت کی حامل طاقتیں ایک منصوبہ بند طریقے پر مسلمانوں کے خون کے ساتھ ہولی کھیلنے کے مواقع پیدا کرنے کی تاک میں ہیں اور بھارت اور اس کی فرقہ پرست قوتیں مسلمانوں پر اب کھلے عام شب وخون مارنے اور مسلمانوں کو قتل کرنے کی پالیسی پر گامزن ہیں۔
ایک بیان میں انہوں نے کہاکہ آئے روز بھارت سے لیکر متنازعہ جموں کشمیر تک بالعموم اقلیتیں اور بالخصوص مسلمان تشدد کی بھینٹ چڑھائے جاتے ہیں اور بھارت کی فرقہ پرست قوتوں نے مسلمانوں کی زندگی غیر محفوظ بنادی ہے۔(جاری ہے)
انہوں نے کہا ستم ظریفی یہ ہے کہ ساری ہندو دہشت گردی سرکاری چھتر چھایا میں ہورہی ہے۔ مسلمانوں میں مظالم ڈھانے اور ان کو قتل کرنے میں ان فرقہ پرستوں کو سرکار کی سرپرستی حاصل ہے۔
گیلانی صاحب نے کہا ادھمپور میں ٹرک جلائے جانے کا وقعہ بھی اسی سلسلے کی ایک کڑی ہے۔ انہوں نے کہا فرقہ پرست طاقتوں کو خبردار کیا جاتا ہے کہ ایسے دہشت گردانہ واقعات کو ٹھنڈے پیٹوں برداشت نہیں کیا جاسکتا ہے۔ سید علی گیلانی نے جموں کشمیر کی نام نہاد سرکار کو متنبہ کیا ہے کہ اس طرح کے پُرتشدد واقعات کو فوری طور پر روک کر اس واقعہ میں ملوث افراد کو گرفتار کرکے کڑی سے کڑی سزا دی جائے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.