حریت رہنماؤں کو فورم سید علی گیلانی کے اجلاس میں شرکت سے روکنے کی مذمت
بھارت ظلم و بربرست سے کشمیری عوام کے حوصلے پست نہیں کر سکتا ،حریت رہنماء
جمعرات 15 اکتوبر 2015 18:03
سرینگر ۔15 اکتوبر (اُردو پوائنٹ اخبار تازہ ترین۔ 15 اکتوبر۔2015ء) مقبوضہ کشمیرمیں حریت رہنماؤں محمد یوسف نقاش ،حکیم عبد الرشید اورسیدبشیر اندرابی نے قابض انتظامیہ کے غیر جمہوری طرز عمل جس کے تحت مقبوضہ علاقے میں آزادی پسند قیادت کی پر امن آواز کو طاقت کے بل پر دبایا جارہا ہے کی شدید مذمت کی ہے ۔ کشمیرمیڈیا سروس کے مطابق حریت رہنماؤں نے سرینگر میں جاری ایک مشترکہ بیان میں انتظامیہ کی طرف سے حریت رہنماؤں کو بزرگ حریت رہنماء سید علی گیلانی کی سرپرستی میں قائم فورم کی مجلس شوریٰ میں شرکت سے روکنے کی شدید مذمت کرتے ہوئے کہاکہ اس طرح کے ہتھکنڈوں سے واضح ہو گیا ہے کہ مقبوضہ علاقے میں طاقت کے بل پر کشمیریوں کے بنیادی حقوق صلب ہیں۔
انہوں نے کہاکہ بھارت نے مقبوضہ علاقے میں اظہار رائے کی آزادی پر قدغن ، سیاسی حقوق سلب اور دینی سرگرمیوں پر پابندیاں عائد کر رکھی ہیں جس سے بھارتی جمہوریت کا اصل چہرہ بے نقاب ہو گیا ہے ۔(جاری ہے)
انہوں نے کہا اس طرح کی کارروائیاں بین الاقوامی معاہدوں بالخصوص انسانی حقوق کی عالمی اعلامیہ اور انسانی حقوق کے بین الاقوامی چارٹر کی خلاف ورزی ہے جس پر بھارت نے بھی دستخط کر رکھے ہیں۔
انہوں نے کہاکہ اس ظلم و بر بریت سے کشمیری عوام کے حوصلے پست نہیں ہوں گے اور وہ کشمیری شہداء کے مشن کو اسکے منطقی انجام تک جاری رکھیں گے ۔دریں اثناء حریت رہنماؤں نے بھارتی فوجیوں کے ہاتھوں ڈوڈہ کے علاقے گڑی نالہ شہیدہونے والے دو دو نوجوانوں کوزبردست خراج عقیدت پیش کیا اور انکی بلندی درجات کیلئے دعا کی ۔انہوں نے کہاکہ جب تک کشمیریوں کی خواہشات کے مطابق مسئلہ کشمیر کو حل نہیں کر لیاجاتا خطے میں پائیدار امن و سلامتی کی ضمانت فراہم نہیں ہو سکتی ۔انہوں نے بھارت پر زوردیا کہ وہ مسئلہ کشمیر کے دیر پا حل کیلئے سنجیدہ اقدامات کرے۔حریت رہنماؤں نے صدر اسپتال جاکر حالیہ دنوں میں فوجیوں کی فائرنگ میں زخمی ہونے والے معصوم بچوں کی بھی عیادت کی۔ انہوں نے اس موقعہ پر عالمی برادری سے اپیل کی کہ وہ مسئلہ کشمیر کے حل اور مقبوضہ علاقے میں انسانی حقوق کی بڑے پیمانے پر پامالیاں بند کرانے کیلئے بھارت پر دباؤ بڑھائیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.