محرم میں سیکیورٹی کے فول پروف انتظامات کئے گئے ہیں ‘پولیس اور سیکیورٹی اداروں کے اہلکار اہم مقامات پر تعینات کر دیئے ہیں‘پولیس کے ساتھ ایجنسیاں اور دیگر ادارے پوری تندہی سے فرائض سر انجام دے رہے ہیں
ایس ایس پی مظفرآباد سید ریاض حیدر بخاری کی آزاد کشمیر ریڈیو کے پروگرام میں بات چیت
منگل 20 اکتوبر 2015 16:58
مظفرآباد ( اُردو پوائنٹ اخبار تازہ ترین۔ 20 اکتوبر۔2015ء ) ایس ایس پی مظفرآباد سید ریاض حیدر بخاری نے کہا ہے کہ محرم الحرام کے حوالے سے فول پروف انتظامات کر لیے گئے ہیں ،پولیس اور قانون نافذ کرنے والے اداروں کے اہلکاران اہم مقامات پر تعینات کر دیئے گئے ہیں ،اس حوالے سے پولیس کے ساتھ ایجنسیاں اور دیگر ادارے پوری تندہی کے ساتھ فرائض سر انجام دے رہے ہیں ۔
ان خیالات کا اظہار انہوں نے آزادکشمیر ریڈیو کے معروف پروگرام پریس کارنر میں میزبان سعید الرحمان صدیقی کے سوالات کے جوابات دیتے ہوئے کیا ۔انہوں نے کہا کہ الحمد اللہ آزادکشمیر کا خطہ مذہبی رواداری کا حامل ایک پرامن خطہ ہے ،اور یہاں تمام مسالک میں بہترین ہم آہنگی کی فضاء موجود ہے جس کا کریڈٹ علماء کرام کو جاتا ہے ۔(جاری ہے)
نیشنل ایکشن پلان بہت سا گند صاف کرنے کے لیے ایک شاندار منصوبہ ہے ۔
نیشنل ایکشن پلان کی راہ میں رکاوٹ بننے والوں کو کسی صورت میں برداشت نہیں کریں گے ۔ایپکس کمیٹی کے فیصلوں کو پوری طاقت کے ساتھ نافذ العمل کیا جائے گا ،غیر قانونی کیبل چینل لائسنس بنوا کر ہی نشریات شروع کر پائیں گے ۔انہوں نے کہا کہ تعلیمی ادارے اپنی سیکیورٹی کے حوالے سے انتظامات کو بہتر بنائیں پولیس اس سلسلہ میں نجی تعلیمی اداروں کے اساتذہ اور دیگر سٹاف کو تربیت بھی فراہم کر چکی ہے ،امن و امان کے حوالے سے کسی سے رعایت نہیں برتی جائے گی ،آزادکشمیر کے انٹری پوائنٹس کوہالہ اور برار کوٹ میں عوام کی سکیورٹی کے لیے آنے جانے والے مسافروں کا ڈیٹا مرتب کیا جاتا ہے اس حوالے سے عوام کو پولیس سے از خود تعاون کرنا چاہیے آزادکشمیر کسی دہشت گرد کے لیے محفوظ پناہ گاہ نہیں بننے دیں گے ہم نے امن کمیٹیوں اور عوام کے ساتھ مل کر سکیورٹی کا ایسا مربوط نظام قائم کیا ہے کہ آزادکشمیر میں کوئی ملک دشمن پر نہیں مار سکتا ۔آزاد کشمیر ملک سے شدید محبت کرنے والوں کا خطہ ہے قومی مفاد کے تحت پولیس اور انتظامیہ جو ایکشن لیتی ہے اس پر واویلا کرنے والوں پر بھی کڑی نظر رکھ رہے ہیں ۔آزادکشمیر کے دفاع اور تحفظ کے لیے افواج پاکستان کے ساتھ آزادکشمیر کی پولیس اندرونی طور پر پوری طرح مستعد ہے کسی کو اس حوالے سے کسی شک میں نہیں رہنا چاہیےمتعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.