گلگت بلتستان کے تمام اضلاع میں بارش اور برفباری کا نیا سلسلہ شروع

جمعرات 26 نومبر 2015 13:04

استور ۔ 26نومبر(اُردو پوائنٹ اخبارتازہ ترین - اے پی پی۔26 نومبر۔2015ء) گلگت بلتستان کے تمام اضلاع میں بارش اور برفباری کا نیا سلسلہ شروع ہو گیا ہے ۔جس سے لوگوں کو مشکلات کا سامنا کرنا پڑ رہا ہے ۔تفصیلات کے مطابق گذشتہ رات سے ضلع استور کے بالائی علاقوں میں برفباری اور میدانی علاقوں میں بارش کا سلسلہ مسلسل جاری ہے ۔

(جاری ہے)

منی مرگ ،قمری ،دیوسائی ،چہلم ،رٹو،میر ملک ، درلے بالا چورت ،داس خرم اور گدئی میں ایک سے 2فٹ تک تازہ برف پڑ چکی ہے جبکہ ان تمام علاقوں کی رابطہ سڑکیں بھی عارضی طور پر بند ہیں ۔

محکمہ موسمیات کی رپورٹ کے مطابق گلگت بلتستان کے تمام اضلاع میں بارش اور پہاڑی علاقوں میں مزید 24گھنٹوں تک بارش اور برفباری ہونے کا امکان ہے۔ اس وقت ضلع استور میں درجہ حرارت 5،سکردو4،غذر 5،دیا مر 7، گلگت 8،ہنزہ نگر5اور گانچے میں 4ڈگری سینٹی گریڈ تک پہنچ چکا ہے ۔واضع رہے کہ اس وقت شاہراہ قراقرم،استور،ہنزہ نگر،غذراور شاہراہ گلگت ہر قسم کی ٹریفک کے لئے کھلی ہے۔

Facebook Twitter Google + Share on Whatsapp

گلگت بلتستان کے تمام اضلاع میں بارش اور برفباری کا نیا سلسلہ شروع

متعلقہ عنوان :

مزید موسم کی خبریں