آئند ہ پا نچ سے چھ روز کے دوران گندم کی کٹائی کے بیشتر علاقوں میں موسم گرم اور خشک رہے گا،محکمہ موسمیات

کاشتکار حضرات گندم کی کٹائی کا سلسلہ مکمل کرلیں دو سے تین دن کراچی میں موسم گرم اور درجہ حرارت 38 سے 40 ڈگری سینٹی گریڈ رہنے کا امکان

ہفتہ 23 اپریل 2016 21:03

آئند ہ پا نچ سے چھ روز کے دوران گندم کی کٹائی کے بیشتر علاقوں میں موسم ..

اسلام آباد(اُردو پوائنٹ اخبارتازہ ترین - آن لائن۔23 اپریل۔2016ء ) اگلے پانچ سے چھ روز کے دوران گندم کی کٹائی کے بیشتر علاقوں میں موسم گرم اور خشک رہے گا۔خشک موسم کا فائدہ اٹھاتے ہوئے کاشتکار حضرات گندم کی کٹائی کا سلسلہ مکمل کرلیں،اگلے دو سے تین دن کے دوران کراچی میں موسم گرم اور درجہ حرارت 38 سے 40 ڈگری سینٹی گریڈ رہنے کا امکان ہے۔آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا۔

(جاری ہے)

تاہم آج (رات)مالاکنڈ، ہزارہ، راولپنڈی ڈویڑن، اسلام آباد، گلگت بلتستان، کشمیر اور اس سے ملحقہ پہاڑی علاقوں میں بعض مقامات پر تیز ہواو?ں اور گرج چمک کیساتھ بارش کا امکان ہے۔گزشتہ24 گھنٹوں کے دوران: ملک کیبیشترعلاقوں میں موسم خشک اور گرم رہا تاہم مالاکنڈ ڈویڑن اورگلگت بلتستان میں بعض مقامات پر ہلکی بارش ہوئی۔سب سے زیادہ بارش بالاکوٹ، استور 03 اور گوپس میں02 ملی میٹر ریکارڈ کی گئی۔ گزشتہ روز ریکارڈ کیے گئے سب سے زیادہ درجہ حرارت: دادو، شہید بینظیر آباد، جیکب آباد، سکھر 42، حیدرآباد، لسبیلہ، چھور، بدین ،مٹھی، لاڑکانہ، سبی، موہنجوداڑو، رحیم یار خان اور تربت میں 41ڈگری سینٹی گریڈ ریکارڈ کیا گیا۔ ۔