مستی بھرے ساون کے رخصت ہوتے ہی بھادوں نے اپنا رنگ دکھانا شروع کردیا

شہر کے کئی علاقوں میں ہلکی اور موسلادھار بارش جبکہ کچھ علاقوں میں مطلع صاف اور دھوپ چھاؤں کا کھیل سارا دن جاری رہا

منگل 16 اگست 2016 17:19

لاہور (اُردو پوائنٹ اخبارتازہ ترین - آن لائن۔16 اگست ۔2016ء) مستی بھرے ساون کے رخصت ہوتے ہی بھادوں نے اپنا رنگ دکھانا شروع کردیا شہر کے کئی علاقوں میں ہلکی اور موسلادھار بارش جبکہ کچھ علاقوں میں مطلع صاف اور دھوپ چھاؤں کا کھیل سارا دن جاری رہا۔

(جاری ہے)

موسم کے حوالے سے محکمہ موسمیات کے ڈائریکٹر صاحب داد خاں نے آن لائن سے گفتگو کرتے ہوئے کہا کہ اس طرح کے موسم کا سلسلہ آئندہ تین روز تک جاری رہنے کا امکان ہے۔

انہوں نے بتایا کہ اس موسم میں ہوا میں نمی کا تناسب نسبتاً بڑھ جاتا ہے۔ اس موسم میں حتمی کچھ کہنا مشکل ہوتا ہے اس لیے کہ بھادوں میں موسم پل پل اپنا رنگ بدلتا رہتا ہے ایک جگہ بارش ہوتی ہے جبکہ بارش کی جگہ سے چند فٹ کے فاصلہ پر جگہ خشک رہتی ہے۔ بارش اوردھوپ چھاؤں کا یہ کھیل کئی دن تک جاری رہنے کی توقع ہے۔