اوستہ محمد اور گردو نواح میں تیز ہوا کے ساتھ بارش ‘ شہر کی مین شاہراؤں اور گلیوں میں پانی کھڑا ہو گیا

جمعرات 1 ستمبر 2016 13:29

اوستہ محمد(اُردو پوائنٹ اخبارتازہ ترین - این این آئی۔۔یکم ستمبر۔2016ء) اوستہ محمد اور گردو نواح میں تیز ہوا کے ساتھ بارش ۔بارش ہونے کی وجہ سے شہر کی مین شاہراؤں اور گلیوں میں پانی کھڑا ہو گیا۔بجلی کی فراہمی بھی بارہ گھنٹے تک بند رہی۔پورا شہر تاریکی میں ڈوب گیا۔کاروبار بھی ٹھپ۔شہری پریشان۔گرمی کی شدت میں کمی۔موسم خوشگوار ہو گیا۔تفصیلات کے مطابق اوستہ محمد میں بارش ہونے کی وجہ سے شہر میں مین روڈوں اور گلیوں میں پانی کھڑا ہو گیا۔

جس کی وجہ سے شہریوں کو شدید مشکلات کا سامنہ رہا۔

(جاری ہے)

دوسری جانب بجلی کی فراہمی بھی بارہ گھنٹے بند رہی۔میونسپل کمیٹی کا عملہ پانی نکالنے کے لیے موٹر پمپ کے زریعے پانی نکالنے میں مصروف رہے۔ اس موقع پر چیف آفیسر محمد علی ساتکزئی نے شہر کا دورہ کرتے ہوئے میڈیا سے بات چیت کرتے ہوئے کہا کہ میونسپل کمیٹی کا عملہ شہر میں پانی نکال رہے ہیں۔محدود وسائل ہونے کے باوجود شہر کی صفائی کے لیے ہمارا عملہ کام کر رہا ہے۔انشاء اللہ جلد ہی شہر سے پانی نکل جائے گا ۔انہوں نے کہا کہ اوستہ محمد شہر سے پانی نکالنے کی پوری کوشش جاری ہے۔آخر میں انہوں نے کہا کہ شہر کی صفائی کے لیے عوام کا تعاون بھی بہت ضروری ہے۔

Facebook Twitter Google + Share on Whatsapp

اوستہ محمد اور گردو نواح میں تیز ہوا کے ساتھ بارش ‘ شہر کی مین شاہراؤں اور گلیوں میں پانی کھڑا ہو گیا

متعلقہ عنوان :

مزید موسم کی خبریں