کٹھ پتلی انتظامیہ کشمیریوں کو پرامن مظاہروں سے روکنے کیلئے آئے روزنت نئے حربے استعمال کررہی ہے ، حریت فورم
بھارتی مظالم کے باوجود جدوجہد آزادی کیساتھ عوام کا اظہار وابستگی اطمینان بخش ہے
پیر 26 ستمبر 2016 18:32
سرینگر (اُردو پوائنٹ تازہ ترین اخبار۔ 26 ستمبر - 2016ء) مقبوضہ کشمیر میں میرواعظ عمرفاروق کی زیرقیادت حریت فورم نے کہا ہے کہ کٹھ پتلی انتظامیہ کشمیریوں کواپنے جائز حقوق باالخصوص اپنے پیدائشی حق، حق خودارادیت کے حصول کے لیے اور کرفیو ، پابندیوں اوردیگر انسانیت سوز مظالم کیخلاف پرامن مظاہروں سے روکنے کیلئے آئے روزنت نئے حربے استعمال کررہی ہے اوراب ہماری عبادتگاہوں ، مساجد ، خطیبوں ، اماموں اور متولیوں کی نجی اور دینی سرگرمیوں کی نگرانی کی جارہی ہے۔
کشمیر میڈیا سروس کے مطابق فورم کے ترجمان نے سرینگر سے جاری ایک بیان میں کہاکہ اب تک کئی ائمہ حضرات کو گرفتار کیا گیا ہے اور اب کشتواڑ میں جہاں مسلسل کرفیو نافذ ہے ، ائمہ مساجد عبدالقیوم متو ، سیف الدین باغوان اور فردوس احمد باغوان کو بدنام زمانہ پبلک سیفٹی ایکٹ کے تحت گرفتار کرکے جیل بھیج دیا گیا ہے۔(جاری ہے)
ترجمان نے کٹھ پتلی حکمرانوں کو اپنی اسلام دشمنی اور غیر اخلاقی کاروائیوں سے باز آنے اور ائمہ حضرات کو فوری طور پررہا کرنے کا مطالبہ کیا ۔
انہوں نے جموں وکشمیر لبریشن فرنٹ کے نائب صدر ایڈوکیٹ بشیر احمد بٹ اور محمد یاسین بٹ سمیت شبانہ چھاپوں کے دوران سینکڑوں نوجوانوں کی گرفتاری کی شدید مذمت کرتے ہوئے اسے کٹھ پتلی حکمرانوں کی بوکھلاہٹ قرار دیا ۔انہوں نے اسلامی تعاون کے وزرائے خارجہ کی جانب سے کشمیری عوام کے پیدائشی حق ، حق خودارادیت کی بھرپورحمایت کرنے اور او آئی سی کے انسانی حقوق کمیشن کوکشمیر میں جاری بنیادی انسانی حقوق کی پامالیوں پررپورٹ تیار کرکے اگلے اجلاس میں پیش کرنے کی ہدایت دینے پر ان کاشکریہ ادا کیا۔ترجمان نے جموں میں مسلمانوں کی بستیوں کو تباہ کرنے کی مذمت کرتے ہوئے کہا کہ بے جے پی اور پی ڈی پی کی مخلوط کٹھ پتلی حکومت جموں وکشمیر میں مسلم اکثریتی تناسب کو بگاڑنے کے منصوبے پر عملدرآمدکے لیے ایسے اقدامات کررہی ہے ۔ انہوں نے کہاکہ اس طرح کے مذموم منصوبوں کو ہرگز کامیاب نہیں ہونے دیا جائیگا۔ترجمان نے کہا کہ وادی کشمیر، کرگل، دراس، چناب اور پیر پنچال خطوں میں بھارتی فورسز کے مظالم اور انسانی حقوق کی پامالیوں کے باوجود جدوجہد آزادی کے ساتھ عوام کا اظہار وابستگی نہ صرف اطمینان بخش بلکہ قابل تحسین ہے ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.