حریت رہنماؤ ں نے اقوام متحدہ میں کشمیر سے متعلق بھارتی دعویٰ مستردکردیا

بھارتی وزیر خارجہ کابیان حقیقت سے دور ہے، کشمیرکبھی بھارت کاحصہ نہیں رہا اور نہ ہوگا،یہ متنازع علاقہ ہے جس کا فیصلہ حق رائے دہی سے ہوگا، بین الاقوامی فورم پرجھوٹ بول کر بھارت دنیا کو گمراہ کر رہا ہے، ہزاروں قتل، بچوں کو یتیم اور خواتین کو بیوہ کرنا دہشت گردی سے کم نہیں،حریت رہنماؤں میرواعظ عمرفاروق اورشبیر شاہ کا بھارتی وزیر خارجہ کے بیان پر ردعمل

منگل 27 ستمبر 2016 23:10

سرینگر(اُردو پوائنٹ تازہ ترین اخبار۔ 27 ستمبر - 2016ء)حریت رہنماؤ ں نے اقوام متحدہ کی جنرل اسمبلی سے خطاب میں کشمیر سے متعلق بھارتی وزیرخارجہ سشماسوارج کادعویٰ مسترد کر تے ہوئے کہا ہے کہ بھارتی وزیر خارجہ کابیان حقیقت سے دور ہے، کشمیرکبھی بھارت کاحصہ نہیں رہا اور نہ ہوگا،یہ متنازع علاقہ ہے جس کا فیصلہ حق رائے دہی سے ہوگا، بین الاقوامی فورم پرجھوٹ بول کر بھارت دنیا کو گمراہ کر رہا ہے، ہزاروں قتل، بچوں کو یتیم اور خواتین کو بیوہ کرنا دہشت گردی سے کم نہیں۔

میڈیا رپورٹس کے مطابق حریت رہنماؤ ں نے اقوام متحدہ کی جنرل اسمبلی سے خطاب میں کشمیر سے متعلق بھارتی وزیرخارجہ سشماسوارج کادعویٰ مستر د کردیا ۔انکا کہنا ہے کہ بھارتی وزیر خارجہ سشماسوراج کابیان حقیقت سے دور ہے، کشمیرکبھی بھارت کاحصہ نہیں رہا اور نہ ہوگا۔

(جاری ہے)

میرواعظ عمرفاروق نے کہا ہے کہ کشمیرکبھی بھارت کاحصہ نہیں رہانہ ہوگا،یہ متنازع علاقہ ہے جس کا فیصلہ حق رائے دہی سے ہوگا۔

حریت رہنما میرواعظ عمرفاروق کا مزید یہ بھی کہنا ہے کہ بھارتی وزیر خارجہ سشما سوراج کا بیان دنیا کو دھوکا دینے کے مترادف ہے۔حریت رہنما شبیر شاہ کا کہنا ہے کہ بین الاقوامی فورم پرجھوٹ بول کر بھارت دنیا کو گمراہ کر رہا ہے، ہزاروں قتل، بچوں کو یتیم اور خواتین کو بیوہ کرنا دہشت گردی سے کم نہیں۔

Facebook Twitter Google + Share on Whatsapp

حریت رہنماؤ ں نے اقوام متحدہ میں کشمیر سے متعلق بھارتی دعویٰ مستردکردیا

مزید کشمیر کی خبریں