چین اور پاکستان کے مابین تجارتی حجم 17.2ارب ڈالرز سے تجاوز کرگیا،چین گزشتہ دوسال سے پاکستان کا سب سے بڑا تجارتی شراکت دار بن چکا ہے ،توانائی منصوبوں کی تکمیل سے پاکستان میں بجلی کی قلت کو ختم کرنے میں مدد ملے گی ، پاکستان میں کنفیوشیس انسٹیٹیوٹس باہمی ثقافتی تبادلوں کے فروغ میں اہم کردار ادا کر رہے ہیں،دونوں ممالک کے مختلف شعبوں میں تعاون کوفروغ دین کی تجاویز زیر غور ہیں ،گوادر میں نئے ایئرپورٹ کی تعمیر کی منظوری کیلئے تیزی سے کام جاری ہے
چینی سفیر سن ویڈونگ کا خصوصی انٹرویو میں سی پیک اور پاک چین تعلقات کے حوالے سے اظہار خیال
منگل 31 جنوری 2017 22:59
(جاری ہے)
رواں سال سی پیک مکمل طور پر عمل داری کے مرحلے میں داخل ہو چکا ہے جس کے تحت بھرپور توجہ انفراسٹرکچر اور توانائی کے منصوبوں پر ہے ۔
انہوں نے کہا کہ ابتدائی طور پر 17منصوبوں کا سنگ بنیاد رکھا گیا ،بہاولپور میں 100میگا واٹ کے شمسی پاور پلانٹ اور دائود پاور پلانٹ مکمل کئے جا چکا ہے جبکہ سچل ونڈ پاور پلانٹ پر بھی تیزی سے کام جاری ہے اس کے علاوہ کوئلے سے چلنے والے ساہیوال پاور پلانٹ سمیت مزید پانچ منصوبوں پر کام کیا جا رہا ہے ۔انہوں نے کہا کہ توانائی کے منصوبوں کی تکمیل سے پاکستان میں توانائی کا بحران ختم کرنے میں مدد ملے گی جس سے پاکستان کی صنعت متاثر ہوئی ہے ۔ ٹرانسپوٹیشن کے منصوبوں کا ذکر کرتے ہوئے انہوں نے کہا کہ قراقرم ہائی وے ، فیز ٹو( تھا کوٹ تارائے کوٹ سیکشن) اور کراچی سے لاہور موٹر وے (ملتان تا سکھر سیکشن) کا کامیابی سے سنگ بنیاد رکھا گیا جن پر کام جاری ہے ۔ پاکستان ریلوے کی مرکزی لائن (ایم ایل ون )پر مشترکہ فزیبلٹی رپورٹ مکمل کر لی گئی ہے ،دونوں اطراف ایم ایل ون کی سرمایہ کاری پر گفتگو کر رہی ہیں جبکہ گوادر ایسٹ ایکسپریس وے کے حوالے سے معاہدے پر بھی دستخط کئے گئے ہیں ۔گوادر میں نئے بین الاقوامی ایئرپورٹ کی تعمیر کیلئے طریقہ کار پر تیزی سے کام کیا جا رہا ہے ۔ بیجنگ میں گزشتہ سال کے اختتام پر چھٹی مشترکہ کمیٹی کے اجلاس میں متعدد منصوبوں کے علاوہ دونوں ممالک کے مابین انسانی وسائل کی تربیت اور ثقافتی سرگرمیوں کے فروغ پر بھی تبادلہ خیال کیا گیا فی الوقت پاکستان کے 3500طلباء سکالر شپ سکیم کے تحت چینی جامعات میں تعلیم حاصل کر رہے ہیں جو کہ کسی بھی ملک کے طالبعلموں کی سب سے زائد تعداد ہے ،گوادر میں پاک چین دوستی پرائمری سکول کی تعلیم بھی چینی سرمایہ کاری سے مکمل کی گئی ہے ،پاکستان میںپانچ کنفیوشیس انسٹیٹیوٹ ،چینی زبان اور باہمی ثقافتی تبادلوں کے فروغ میں اہم کردار ادا کر رہے ہیں ۔ چھٹی مشترکہ کمیٹی کے اجلاس میں تعلیم کے سات ووکیشنل اور تکنیکی تربیت کے علاوہ صحت عامہ اورماہی گیری میں تعاون کے بارے میں بھی مختلف تجاویز پر غور کیا گیا جبکہ ثقافتی تبادلوں کے ذریعے عوامی رابطوں ،تھنک ٹینکس ،جامعات اور میڈیا میں تعاون کا فروغ بھی زیر غور ہے ۔ چین صنعتی زونز میں تربیتی ورکشاپس کے انعقاد، دیہی ترقی ،پانی کے وسائل منیجمنٹ اور ڈیزاسٹر منیجمنٹ کے شعبہ میں تربیت فراہم کرنے پر بھی غور کر رہا ہے ۔چائنہ فائونڈیشن برائے امن اور تعمیر وترقی پاکستان میں اپنا مرکز قائم کرے گی ۔انہوں نے امید ظاہر کی کہ دونوں ممالک کے مابین تعلقات کے فروغ میں پاکستان میڈیا سازگار ماحول بنائے گا اور باہمی تعلقات کے ذریعے حاصل کی جانے والی کامیابیوں کو بھرپور کوریج دی جائے گی ۔مزید اہم خبریں
-
یورپ: وباء اور بچوں میں موٹاپے کے درمیان تعلق پر رپورٹ
-
تارکین وطن کی کشتی الٹنے سے ہلاکتوں پر یو این اداروں کا اظہار افسوس
-
میانمار میں غلط معلومات اور نفرت انگیزی پر یو این کو تشویش
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.