سارے شہر میں ٹریفک رواں دواں رہی ‘کیپٹن(ر)سیّد احمد مبین

ٹریفک وارڈنز نے سارے شہر میں کہیں بھی ٹریفک جام یا روانی میں خلل نہ آنے دیا‘ڈی آئی جی ٹریفک لاہور

جمعرات 2 فروری 2017 19:21

سارے شہر میں ٹریفک رواں دواں رہی ‘کیپٹن(ر)سیّد احمد مبین

لاہور(اُردو پوائنٹ اخبارتازہ ترین - این این آئی۔ 02 فروری2017ء) ڈی آئی جی ٹریفک لاہور کیپٹن(ر)سیّد احمد مبین نے کہا ہے کہ سارے شہر میں کہیں بھی ٹریفک جام یا روانی میں خلل کی اطلاع نہ ملی اور ٹریفک افسرا ن و وارڈنز سارا دن مختلف سڑکوں پر شہریوں کو بہترین سفری سروس دیتے ہوئے نظر آئے ۔ٹریفک دبائو کی اطلاع تب موصول ہوتی ہے جب کہیں احتجاج یا ریلی کی صورت میں مظاہرین شہرائوں پر آکر احتجاج کر تے ہیں اور شہریوں کو متبادل راستہ فراہم کرنا پڑتا ہے ۔

(جاری ہے)

تفصیلات کے مطابق کینال روڈپر ٹرک پھنسنے کی صورت میں ٹرک ڈرائیور کو گرفتا رکرکے ٹریفک مشینری کے ذریعے ٹرک کو نکالا گیا ۔ اسی طرح شادمان کے علاقہ میں آتشزدگی ، ریس کلب کے سامنے احتجاج ، گلبرک ،مال روڈ،جیل روڈ اور مولانا شوکت علی روڈ پر ٹریفک دبائو کی اطلاع پر ایس پی سٹی آصف صدیق ، ڈی ایس پی مغلپورہ ضیاء اللہ ،ڈی ایس پی گلبر ک منیر بٹ ،ڈی ایس پی ماڈل ٹائون عارف بٹ اور 40اضافی ٹریفک وارڈنز نے موقع پر جاکر ٹریفک کی روانی کو بغیر کسی خلل کے یقینی بنایا اور شہریوں کو سہولت فراہم کی ۔