ملک کے بیشتر علاقوں میں موسم سرد اور خشک رہے گا، کوئٹہ، ژوب، ڈی جی خان ڈویژن، فاٹا اورکشمیر میں چند مقامات پر تیز ہواؤں اور گرج چمک کے ساتھ بارش کا امکان

جمعہ 17 مارچ 2017 11:29

اسلام آباد ۔ (اُردو پوائنٹ اخبارتازہ ترین - اے پی پی۔ 17 مارچ2017ء) آئندہ 24گھنٹوں کے دوران ملک کے بیشتر علاقوں میں موسم سرد اور خشک رہے گا تاہم کوئٹہ، ژوب، ڈی جی خان ڈویژن، فاٹا اورکشمیر میں چند مقامات پر تیز ہواؤں اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق گزشتہ 24 گھنٹوں کے دوران ملک کے بیشتر علاقوں میں موسم خشک رہا جبکہ کوئٹہ، مکران، ڈی جی کان، مالاکنڈ ڈویژن اور گلگت بلتستان میں چند مقامات پر گرج چمک کیساتھ بارش ہوئی۔

سب سے زیادہ بارش لسبیلہ میں 12 ملی میٹر ، ڈی جی خان04، چلاس02، اور کالام میں ایک ملی میٹر ریکارڈ کی گئی۔ جمعہ کو ریکارڈ کئے گئے ملک کے سرد ترین مقامات کے درجہ حرارت کی رپورٹ کے مطابق کالام، بگروٹ میں درجہ حرارت منفی ایک ڈگری جبکہ گوپس اور سکردو میں صفر ڈگری سینٹی گریڈ ریکارڈ کیا گیا ہے۔