راولپنڈی اسلام آباد سمیت بالائی علاقوں میں گرج چمک کے ساتھ ہلکی بارش کا امکان

پیر 27 مارچ 2017 22:59

اسلام آباد ۔ (اُردو پوائنٹ اخبارتازہ ترین - اے پی پی۔ 27 مارچ2017ء) راولپنڈی اسلام آباد سمیت ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے جبکہ صوبہ سندھ، جنوبی/وسطی پنجاب اور جنوبی بلوچستان میں موسم گرم رہے گا۔

(جاری ہے)

محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم خشک رہے گا تاہم مالاکنڈ، ہزارہ، پشاور، کوئٹہ، ژوب، راولپنڈی ڈویژن، اسلام آباد، بالائی فاٹا، کشمیر اور گلگت بلتستان میں چند مقامات پر گرج چمک کے ساتھ ہلکی بارش کا امکان ہے۔

گزشتہ 24 گھنٹوں کے دوران بھی ملک کے بیشتر علاقوں میں موسم خشک رہا تاہم مالاکنڈ، پشاور ڈویژن اور فاٹا میں بعض مقامات پر گرج چمک کے ساتھ بارش ہوئی۔ سب سے زیادہ بارش خیبرپختونخوا میں پارا چنار7 جبکہ کالام، مالم جبہ اور سیدو شریف کے مقامات پر ایک ایک ملی میٹر ریکارڈ کی گئی۔ اس دوران ملک میں زیادہ سے زیادہ درجہ حرارت لاڑکانہ 44، مٹھی، شہید بینظیر آباد، میرپور خاص اور سکھر 43 ڈگری سینٹی گریڈ ریکارڈ کیا گیا۔ پیر کو اسلام آباد میں پولن کی تعداد 37981 فی مکعب میٹر ریکارڈ کی گئی۔

Facebook Twitter Google + Share on Whatsapp

راولپنڈی اسلام آباد سمیت بالائی علاقوں میں گرج چمک کے ساتھ ہلکی بارش کا امکان

متعلقہ عنوان :

مزید موسم کی خبریں