اسلام آباداورراولپنڈی میں تیزہواؤں کیساتھ ہلکی بارش سے موسم خوشگوار ہوگیا

منگل 4 اپریل 2017 14:17

اسلام آباد(اُردو پوائنٹ اخبارتازہ ترین - این این آئی۔ 04 اپریل2017ء) وفاقی دارالحکومت اسلام آباداورراولپنڈی میں تیزہواؤں کیساتھ ہلکی بارش سے موسم خوشگوار ہوگیا۔

(جاری ہے)

منگل کووفاقی دارالحکومت اسلام آباد کے مختلف علاقوں میں صبح سویرے تیزہواؤں کیساتھ ہلکی بارش ہوئی ،ْگرمی کی شدت میں اضافہ تیزہواؤں اورآندھی کا باعث بنا ،ْ ہلکی بارش کے بعد ٹھنڈی ہواؤں ،ْمست فضائوں ،ْجھومتی ڈالیوں سے شہراقتدارکا موسم اورحسن مثالی ہوگیا ،ْبارش کے بعد راولپنڈی کا موسم بھی خوشگوارہوگیا ۔

محکمہ موسمیات کے مطابق ،خیبرپختونخوا،فاٹا،اسلام آباد،راولپنڈی، گوجرانوالہ، لاہور، سرگودھا، فیصل آباد،کشمیراورگلگت بلتستان میں کہیں کہیں ،ْ ڈی جی خان،ملتان،ساہیوال،کوئٹہ،ژوب ڈویژن میں چند مقامات پرتیز ہواؤں اور گرج چمک کیساتھ بارش کا امکان ہے ۔