گلگت بلتستان ، مختلف علاقوں میں بارش کے بعد برفباری سے جاتی سردی لوٹ آئی

شگر میں دو روز سے بارش کا سلسلہ جاری ، کئی برس کے بعد اپریل کے مہینے میں برفباری پر مکین حیرت زدہ ،برفباری کے باعث شہری گھروں میں محصور ، طوفانی بارشوں سے کئی گھروں کی چھتیں ٹپکنے لگیں

جمعرات 6 اپریل 2017 11:33

گلگت بلتستان ، مختلف علاقوں میں بارش کے بعد برفباری سے جاتی سردی لوٹ ..

گلگت (اُردو پوائنٹ اخبارتازہ ترین - آئی این پی۔ 06 اپریل2017ء) گلگت بلتستان کے مختلف علاقوں میں بارش کے بعد برفباری سے جاتی سردی لوٹ آئی۔ شگر اور گرد و نواح کی وادی میں سیلاب کا خدشہ ہے۔ اپریل میں رٴْت بدلی تو بالائی علاقوں میں بارش کا سلسلہ شروع ہوا۔

(جاری ہے)

گلگت بلتستان میں بھی بادل خوب برسے ، شگر میں دو روز سے جاری بارش کے بعد برفباری سے موسم سرما لوٹ آیا۔ اپریل میں برف باری کئی برسوں بعد ہوئی جس پر مقامی لوگ بھی حیرت زدہ ہوگئے۔ برفباری کے باعث شہری گھروں میں محصور ہوکر رہ گئے۔ طوفانی بارشوں سے کئی گھروں کی چھتیں جگہ جگہ سے ٹپکنے لگیں۔ موسم کا حال بتانے والوں نے مزید بارشوں کی پیش گوئی کر دی جبکہ علاقے میں لینڈ سلائیڈنگ اور سیلاب کا خدشہ ظاہر کیا گیا ۔