جیکب آباد،گرج چمک کے ساتھ بارش شہر کے روڈ راستے تالاب بن گئے ،بازاروں میں پانی جمع وکاندارپریشان

جمعرات 27 جولائی 2017 16:57

جیکب آباد (اُردو پوائنٹ اخبارتازہ ترین - این این آئی۔ 27 جولائی2017ء) جیکب آبادمیں گرج چمک کے ساتھ بارش شہر کے روڈ راستے تالاب بن گئے بازاروں میں پانی جمع دوکاندارپریشان کاروبارمتاثر تفصیلات کے مطابق بدھ کے رو ز جیکب آبادمیں گرج چمک کے ساتھ موسلادھار بارش ہوئی ایک گھنٹے کی بارش سے گردونواح اورشہرکے نشیبی علاقے زیر آب آگئے جبکہ شہرکے راستوں اور بازاروں میں بھی بارش کاپانی جمع ہوگیا شاہی بازار ،صرافہ بازار،بانو بازار ،کپڑا مارکیٹ ودیگر علاقوں کے روڈ تالاب کا منظر پیش کررہے ہیں جس کے باعث کاروبا رشدید متاثر اور دوکاندار پریشان ہیں شہریوںکو آمدورفت میں شدید پریشانی کا سامناکرنا پڑرہاہے بلدیاتی نمائندے اور بلدیہ کا عملہ غائب ہے اورتاحال بازار جمع بار ش کاپانی نکالنے کے لیے بلدیہ کی جانب سے کوئی انتظامات نہیں کیے گئے ہیں ۔