سرگودھا‘ شادی شدہ عورت کا اغواء ‘ عدالت نے نوٹس لے لیا‘ ایس ایچ اوطلب

خاتون ایک ماہ تک اذیت برادشت کرتے ہوئے موقع پا کر بھاگ آئی‘ پولیس کا کارروائی سے گریز

پیر 5 مارچ 2018 13:02

سرگودھا(اُردو پوائنٹ اخبارتازہ ترین - این این آئی۔ 05 مارچ2018ء) سرگودھا کے نواح میں شادی شدہ خاتون کو اغواء کر کے ایک ماہ تک اجتماعی زیادتی اور مغویہ کو لاہور جا کر فروخت کرنے کا سرگودھا عدالت نے نوٹس لیتے ہوئے ڈی پی او سے وضاحت طلب کرتے ہوئے ایس ایچ او عطاء کو طلب کر لیا۔

(جاری ہے)

ذرائع کے مطابق نواحی چک 46 جنوبی کے محمد نواز نے درخواست دائر کی کہ اس کی بھابھی رضوانہ کوثر کو یکم دسمبر 2017 کو 4 افراد عامر،ذیشان،انور وغیرہ نے کو اغواء کیا اور گوجرہ لے جا کر ایک ماہ تک اجتماعی زیادتی کرتے ریے جس کے بعد اسے شاہی محلہ لاہور فروخت کر دیا جہاں وہ ایک ماہ تک اذیت برداشت کرتے ہوئے موقع پا کر بھاگ آنے میں کامیاب رہی اس پر پولیس کاروائی نہ کر رہی ہے ۔

عدالت کے جج رانازاہد اقبال نے درخواست کا فوری نوٹس لیتے ہوئے ڈسٹرکٹ آفیسر سے وضاحت اور ایس ایچ او تھانہ عطاء کو طلب کر لیاہے۔