سان فرانسسکومیں یوٹیوب صدر دفتر میں شوٹنگ کا حملہ آور ہلاک، چار زخمی

مشتبہ حملہ آور نے عمارت سے باہر گولیاں چلائیں تھیں، جہاں ملازمین دوپہر کا کھانا کھا رہے تھے،رپورٹ

بدھ 4 اپریل 2018 13:06

واشنگٹن (اُردو پوائنٹ اخبارتازہ ترین - این این آئی۔ 04 اپریل2018ء) ایک خاتون جن کے لیے بتایا جاتا ہے کہ اٴْنھوں نے یوٹیوب کی سماجی رابطے کی ویب سائٹ کے کیمپس ہیڈکوارٹرز پر فائر کھول دیا تھا، اٴْنھوں نے جائے واردات پر بظاہر اپنے آپ کو گولی مار کر ہلاک کر دیا ۔میڈیارپورٹس کے مطابق سان برونو میں کیلی فورنیا کے پولیس سربراہ، ایڈ بربرینی نے کہا کہ پولیس کو اٴْن کی لاش ملی ہے، اور یوں لگتا ہے کہ وہ اپنی ہی گولی سے ہلاک ہوئی ہیں۔

تاہم اٴْنھوں نے تفصیل بتانے سے احتراز کیا کہ وہ کون ہیں یا ایسے عمل کا کیا محرک تھا۔بربرینی نے بتایا کہ چار افراد زخمی ہوئے۔ قریبی سان فرانسسکو کے ایک اسپتال کے ترجمان نے کہا کہ تنصیب میں تین زخمیوں کا علاج کیا جا رہا ہے، جن میں سے دو خواتین اور ایک مرد ہیں۔

(جاری ہے)

اٴْنھوں نے بتایا کہ مرد کی حالت تشویش ناک ہے۔بربرینی نے کہا کہ سان برونو پولیس فوری طور پر یوٹیوب کیمپس پہنچی، جسے 911 پر متعدد کال موصول ہوئی تھیں۔

خیال کیا جاتا ہے کہ مشتبہ حملہ آور نے عمارت سے باہر گولیاں چلائیں تھیں، جہاں ملازمین دوپہر کا کھانا کھا رہے تھے۔عمارت کے اندر موجود ملازمین نے ٹوئیٹ کیا تھا کہ اٴْنھوں نے گولیاں چلنے کی آوازیں سنی ہیں اور لوگوں کو بھاگتے ہوئے دیکھا ہے، جو محفوظ ٹھکانوں کی تلاش میں تھے۔ ایک کارکن نے بتایا کہ اٴْنھوں نے ایک سیڑھی اور فرش پر خون کے قطرے دیکھے ہیں۔ٹیلی ویڑن تصاویر میں کارکنوں کو عمارت سے بھاگتے ہوئے دکھایا گیا ہے، جنھوں نے اپنے ہاتھ اوپر اٹھائے ہوئے ہیں، جب کہ پولیس اٴْن کی تلاشی لے رہی ہے۔پولیس نے بتایا کہ ابھی عمارت کی تلاش جاری ہے، اور کارروائی بند نہیں کی گئی۔