شکاگو میں ایم کیوایم اوورسیز امریکہ یونٹ کے مرکزی دفترکا افتتاح کردیاگیا

پیر 16 اپریل 2018 16:35

شکاگو(اُردو پوائنٹ اخبارتازہ ترین۔ 16 اپریل2018ء) امریکی ریاست شکاگو میں ایم کیوایم اوورسیز امریکہ یونٹ کے مرکزی دفترکا باقاعدہ افتتاح کردیاگیا ہے ۔ شکاگو میں واقع ڈیوان ایونیو میں آفس کا افتتاحth 50 وارڈ سٹی کونسل کی منتخب رکن ڈیبرا سلوراسٹین اورڈیموکریٹک ممبر آف سینیٹ آف الینائے آئرا سلوراسٹین نے کیا۔ اس موقع پر ایم کیوایم امریکہ کے جوائنٹ سینٹرل آرگنائزر سہیل شمس، سینٹرل آرگنائزنگ کمیٹی کے رکن سہیل یوسف زئی، شکاگو چیپٹر کے انچارج عدنان قریشی ، اراکین فہد خان، راشد مشتاق اور کارکنان نے بڑی تعدادمیں شرکت کی ۔

اس موقع پرڈیبرا سلوراسٹین نے کہ ایم کیوایم واحد جماعت ہے جس کے دفتر میں آکر مجھے دلی خوشی ہوتی ہے اور میں ایم کیوایم کے نظم وضبط سے بہت متاثرہوں۔

اس موقع پر اسٹیٹ اسمبلی کے سینیٹر آئرا سلوراسٹین نے مہاجروں بالخصوص پروفیسر ڈاکٹر حسن ظفرعارف کے ماورائے عدالت قتل پر انتہائی حیرت اوردکھ کا اظہارکرتے ہوئے کہاکہ دنیا کے ہرمعاشرے میں استاد بہت تعظیم اورعزت کے مستحق ہوتے ہیں لیکن مجھے یہ جان کرحیرت ہوئی ہے کہ پاکستان میں اتنے عظیم پروفیسر کو صرف اس لئے ماورائے عدالت قتل کردیا گیا کہ وہ حق کیلئے آواز بلندکررہے تھے ۔ انہوںنے کہاکہ پاکستان میں شہریوں کے بنیادی انسانی حقوق کا احترام کیاجانا چاہیے ۔