Live Updates

راولپنڈی، اسلام آباد سمیت بالائی فاٹا، گلگت بلتستان اور کشمیر میں تیز ہوائوں اور گرج چمک کے ساتھ بارش کا امکان

پیر 16 اپریل 2018 18:45

اسلام آباد ۔ (اُردو پوائنٹ اخبارتازہ ترین - اے پی پی۔ 16 اپریل2018ء) راولپنڈی، اسلام آباد سمیت بالائی فاٹا، گلگت بلتستان اور کشمیر میں کہیں کہیں تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق (آج) منگل کو بالائی خیبرپختونخوا، راولپنڈی ڈویژن، اسلام آباد، بالائی فاٹا، گلگت بلتستان اورکشمیر میں کہیں کہیں جبکہ ژوب، کوہاٹ، بنوں، سرگودھا، گوجرانوالہ، لاہور، فیصل آباد، ساہیوال، ملتان ڈویژن میں چند مقامات پر تیز ہوائوں اور گرج چمک کے ساتھ بارش کا امکان ہے۔

گزشتہ 24 گھنٹوں کے دوران خیبرپختونخوا، فاٹا، اسلام آباد، بالائی پنجاب، کشمیر، ڈی جی خان، کوئٹہ، ژوب، قلات ڈویژن میں کہیں کہیں تیز ہوائوں اور گرج چمک کے ساتھ بارش ہوئی۔

(جاری ہے)

سب سے زیادہ بارش کوئٹہ (شیخ ماندا16، سمنگلی12)، قلات06، ژوب05، مالم جبہ47 ، پٹن 27 ،کالام 26، دیر 25، میرکھانی 19، چراٹ، بالاکوٹ16، سیدو شریف14، پاراچنار 13، چترال، دروش10 ، لوئر دیر، کاکول 09، مری 23 ، اسلام آباد (زیرو پوائنٹ 16، سیدپور 11 بوکرہ 10 ، گولڑہ 05)، راولپنڈی (چکلالہ17، شمس آباد14)، سرگودہا (سٹی15، ائیرپورٹ14)، چکوال، منگلہ 12، جھنگ11، لیہ، بھکر08، جوہرآباد، جہلم، کامرہ05، گڑھی دوپٹہ 21،مظفرآباد17 ، راولاکوٹ13، کوٹلی07 ملی میٹر ریکارڈ کی گئی۔

پیر کو ملک میں زیادہ سے زیادہ شہید بینظیرآباد، مٹھی41 ، سکھر، حیدر آباد 40 ڈگری سینٹی گریڈریکارڈ کیا گیا۔