بھارتی آرمی چیف کا حالیہ بیان کشمیریوں کے جذبہ حریت کوکمزور کرنے میں فوج کی شکست کا اعتراف اور مظلوم کشمیری قوم کی اخلاقی فتح ہے‘رائے شماری کے ذریعے ہی معلوم کیاجاسکتا ہے کہ کشمیریوں کی غالب اکثریت کس کے ساتھ ہے
کل جماعتی حریت کانفرنس کے چیئرمین سیدعلی گیلانی کا جاری بیان
منگل 17 اپریل 2018 15:43
(جاری ہے)
انہوں نے اپنے حق خودارادیت کے حصول کیلئے کشمیریوں کی عظیم قربانیوں پر پوری قوم کو خراج تحسین پیش کیااورکہاکہ یہ مظلو م قوم کی اہم اخلاقی فتح ہے۔
سیدعلی گیلانی نے جنرل راوت کو تاریخ کشمیر کا بغور مطالعہ کرنے کامشورہ دیتے ہوئے کہا کہ انہیں یہ کیسے معلوم ہوا کہ جموں و کشمیر کی غالب اکثریت بھارت کے حق میں ہے جبکہ حقیقت حال یہ ہے کہ بھارتی قابض فورسز نے پورے مقبوضہ علاقے میں نہتے کشمیریوں کے خلاف ایک خونین جنگ چھیڑ رکھی ہے۔انہوں نے جنرل راوت کے اس بیان کو سفید قراردیتے ہوئے کہاکہ وہ تاریخی حقائق کو مسخ کرنے سے باز رہیں اور آدھے سچ اور آدھے جھوٹ سے مسئلہ کشمیر کے حل کو زیادہ دیر تک ٹالا نہیں جاسکتا۔ انہوں نے کہاکہ فوجی سربراہ کو اپنے سیاسی ارباب اقتدار تک یہ بات پہنچانے کا فرض ادا کرناچاہیے کہ کشمیری بھارت کی فوجی طاقت کے سامنے جھکنے کیلئے ہرگز تیار نہیں اور نا ہی وہ اپنے حق خودارادیت کے حصول کی تحریک سے دستبردار ہوں گے ، جس کا اعتراف جنرل راوت نے اپنے بیان میں کیا ہے۔ حریت چیئرمین نے اس تاریخی حقیقت کا اعادہ کرتے ہوئے کہا کہ مسئلہ کشمیر کی موجودہ گھمبیر صورتحال صرف بھارت کی ضد اور ہٹ دھرمی کا نتیجہ ہے جس نے جموں و کشمیر پر جبری تسلط کر رکھا ہے اورپر امن کشمیری عوام گزشتہ ستر برس سے اس جبری قبضے کے خلاف اقوامِ متحدہ کی نگرانی میں رائے شماری کرانے کا مطالبہ کررہے ہیں۔ انہوں نے جنرل راوت سے کہا کہ رائے شماری کے ذریعے ہی معلوم کیاجاسکتا ہے کہ کشمیریوں کی غالب اکثریت کس کے ساتھ ہے۔ سید علی گیلانی نے جماعت اسلامی مقبوضہ کشمیر کے کا رکن غلام محمد خرقہ کی وفات پر گہرے رنج وغم کا اظہار کیا ہے۔ادھر حریت کانفرنس کے ترجمان نے ایک بیان میں باغندر، موہن پورہ اور نارکرہ بڈگام میں بھارتی پولیس کی طرف سے نوجوانوں کی پکڑ دھکڑ اور اندھا دھند گرفتاریوں کی شدیدمذمت کی ہے۔ انہوں نے پولیس کی طرف سے باغندر موہن پورہ میں گیارویں جماعت کے طالبعلم ساجد احمد بنگرو کی گرفتاری اور بدترین تشدد کا نشانہ بنانے اور بعد ازاں اس کے والد محمد رفیق بنگرو کی گرفتاری پرشدید تشویش کا اظہار کیا۔انہوں نے پولیس کی کارروائی کو غنڈہ گردی قراردیتے ہوئے اسے انسانی حقوق کی سنگین خلاف ورزی قرار دیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.