پاکستان اقوام متحدہ کے 2 اہم اداروں کا رکن منتخب

یہ نمائندگی اس بات کی نشاندہی کرتی ہے کہ عالمی برادری کو کس حد تک پاکستان کے کردار پر اعتماد ہے،اسلام آباد یو این او کی غیر سرکاری تنظیموں کی کمیٹی سے تعاون جاری رکھے گا،ہم نے عالمی سطح پر انسانی اور بچوں کے حقوق پر بہت کام کیا،ڈاکٹر ملیحہ لودھی

منگل 17 اپریل 2018 16:40

نیویارک(اُردو پوائنٹ اخبارتازہ ترین - آن لائن۔ 17 اپریل2018ء) پاکستان ووٹنگ کے ذریعے اقوام متحدہ کی 2 غیر سرکاری تنظیموں کی کمیٹی کا رکن منتخب ہوگیا۔پاکستان کو 2019 سے 2022 تک اقوام متحدہ کی این جی اوز (غیر سرکاری تنظیموں) کی کمیٹی اور یونیسیف کے ایگزیکٹو بورڈ کا رکن منتخب کرلیا گیا ہے۔منگل کو اقوام متحدہ میں پاکستانی مستقل مندوب ملیحہ لودھی نے کہا کہ پاکستان اقوام متحدہ کی 2 اہم باڈیز میں کامیاب ہوا،یہ کامیابی اس بات کی نشاندہی کرتی ہے کہ عالمی برادری کو کس حد تک پاکستان کے کردار پر اعتماد ہے۔

اقوام متحدہ کی اقتصادی و سماجی کونسل (ECOSOC) میں ہونیوالے این جی اوز کمیٹی کے الیکشن میں پاکستان کو 43 ووٹ ملے۔ڈاکٹر ملیحہ لودھی نے کہا کہ یونیسیف میں بھی پاکستان کا بہت اہم کرداررہا ہے اور این جی او کمیٹی میں بھی مسلسل خدمات انجام دیتا رہا ہے،پاکستان 2 سال پہلے بھی یونیسیف کے ایگزیکٹو بورڈ کا صدر منتخب ہوچکا ہے،ہمارے ملک میں یونیسیف کا بہت بڑا پروگرام چل رہا ہے،ان تمام ممالک کا شکریہ ادا کیا جنھوں نے پاکستان کو ووٹ دیا۔

(جاری ہے)

ڈاکٹر ملیحہ لودھی نے کہا کہ بحیثیت رکن پاکستان یو این او کی غیر سرکاری تنظیموں کی کمیٹی سے تعاون جاری رکھے گا،دنیا بھر میں لوگوں کی زندگیوں کو بہتر بنانے کیلئے مل کر کام کرتے رہیں گے، کمیٹی کے قیام سے اب تک پاکستان کا ادارے کی بہتری کیلئے اہم کردار ہے،پاکستان نے عالمی سطح پر انسانی اور بچوں کیحقوق پر بہت کام کیا،انتخاب میں کامیابی عالمی برادری کی جانب سے پاکستانی تعاون کی تصدیق ہے۔

Facebook Twitter Google + Share on Whatsapp

پاکستان اقوام متحدہ کے 2 اہم اداروں کا رکن منتخب

متعلقہ عنوان :

مزید اہم خبریں