تحریک انصاف کراچی کی دوران احتجاج ایک پی ٹی آئی کارکن کے شہید اور دوسرے کے زخمی ہونے کی مذمت

منگل 17 اپریل 2018 20:36

کراچی(اُردو پوائنٹ اخبارتازہ ترین۔ 17 اپریل2018ء) پاکستان تحریک انصاف کراچی کے صدر فردوس شمیم نقوی اور سندھ اسمبلی میں پی ٹی آئی کے پارلیمانی لیڈر ایم پی اے خرم شیر زمان نے چھ سالہ بچی کے ساتھ زیادتی اور قتل اور اورنگی ٹائون احتجاج میں پی ٹی آئی کارکن الیاس کے شہید ہونے اور عدنان کے شدید زخمی ہونے کی شدید الفاظ میں مذمت کی ہے۔ پارٹی سیکرٹریٹ ’’انصاف ہائوس‘‘ کراچی سے جاری کردہ اپنے ایک مشترکہ بیان میں پی ٹی آئی کراچی کے رہنمائوں نے کہا ہے کہ پولیس نے احتجاج کرنیو الوں پر اندھا دھند فائرنگ کی جس کا کوئی جواز نہیں تھا۔

اس اندھا دھند فائرنگ سے پاکستان تحریک انصاف کا کارکن الیاس شہید ہوگیا ہے جس کے اہل خانہ اس وقت شدید غم و اندوہ کا شکارہیں۔ پی ٹی آئی کا ایک اور کارکن عدنان اسی احتجاج پر ہونے والی فائرنگ سے شدید زخمی ہوگیا جسے عباسی شہید ہسپتال میں داخل کرادیا گیا ہے ۔

(جاری ہے)

پاکستان تحریک انصاف کے کارکنان پی ٹی آئی کی پہچان ہیں، پی ٹی آئی ان کے خلاف کسی بھی قسم کا تشدد اور ظلم و زیادتی برداشت نہیں کرے گی۔

انہوں نے کہا کہ تحریک انصاف کے کارکنان کے شہید اور زخمی ہونے کے پیچھے حکومت سندھ اور سندھ پولیس کی نااہلی ہے۔ انہوں نے کہا کہ اس واقعے کا اب تک کوئی نوٹس نہیں لیا گیا جو حکومت سندھ اور سندھ پولیس کی بے حسی کا منہ بولتا ثبوت ہے۔ انہوں نے کہا کہ معصوم بچی سے زیادتی اور قتل کرنے والوں کو پکڑنے کے بجائے سندھ پولیس احتجاج کرنے والوں پر گولیاں برسارہی ہے۔ پارٹی کارکنان پر امن رہیں، ہم کارکنان کے خون کے ایک ایک قطرے کا حساب لیں گی