بٹگرام میں یونیورسٹی کیمپس کیلئے مفاہمت کی یاداشت پر دستخط، جولائی سے داخلوں کا آغاز ہو گا، وزیراعلیٰ پرویز خٹک

بدھ اپریل 13:50

بٹگرام میں یونیورسٹی کیمپس کیلئے مفاہمت کی یاداشت پر دستخط، جولائی ..
بٹگرام۔ (اُردو پوائنٹ اخبارتازہ ترین۔ 18 اپریل2018ء) وزیراعلیٰ خیبر پختونخوا پرویز خٹک نے کہا ہے کہ بٹگرام میں یونیورسٹی کیمپس کے قیام کیلئے مفاہمت کی یاداشت پر دستخط کر دیئے ہیں، کیمپس میں جولائی سے داخلوں کا آغاز ہو گا، ستمبر سے باقاعدہ طور پر کلاسز کا اجراء کر دیا جائے گا۔ گذشتہ روز ضلع بٹگرام میں یونیورسٹی کیمپس کے قیام کے سلسلہ میں وزیراعلیٰ ہائوس میں ایک تقریب کا انعقاد کیا گیا جس میں بٹگرام سے سابق رکن صوبائی اسمبلی تاج محمد خان ترند کے علاوہ ہائیر ایجوکیشن کمیشن اور ہزارہ یونیورسٹی کے اعلیٰ حکام نے شرکت کی۔

وزیراعلیٰ پرویز خٹک نے اس موقع پر تقریب سے خطاب کرتے ہوئے کہا کہ صوبائی حکومت صوبہ میں تعلیم کو فروغ دینے کیلئے تمام تر وسائل بروئے کار لا رہی ہے، بٹگرام کی عوام سے کیا گیا وعدہ پورا کر دیا ہے، یونیورسٹی کیمپس کے قیام سے علاقہ میں ترقی اور خوشحالی آئے گی۔

(جاری ہے)

اس موقع پر ہائیر ایجوکیشن اور ہزارہ یونیورسٹی کیمپس کے درمیان مفاہمت کی یاداشت پر دستخط کئے گئے۔

وزیراعلیٰ نے کہا کہ ضلع بٹگرام میں یونیورسٹی کیمپس کا قیام یہاں کے عوام کا دیرینہ مطالبہ تھا جس کو موجودہ حکومت نے عملی جامہ پہنا دیا ہے، ہماری حکومت وعدوں کی بجائے عملی کام پر یقین رکھتی ہے، موجودہ حکومت نے تعلیم کے فروغ کیلئے گرانقدر خدمات سر انجام دی ہیں، عوامی مطالبہ کو مدنظر رکھتے ہوئے ہم نے عوام سے کیا گیا ایک اور وعدہ نبھا دیا ہے۔

متعلقہ عنوان :