میزان بینک کا صارفین کو بینک کی ڈسکائونٹ اور پروموشن آفرز بہتر انداز میں پیش کرنے کے لئے فیچ اسکائی کے ساتھ معاہدہ

بدھ 18 اپریل 2018 16:30

کراچی ۔ (اُردو پوائنٹ اخبارتازہ ترین - اے پی پی۔ 18 اپریل2018ء) میزان بینک نے آئی ٹی کمپنی فیچ اسکائی کے ساتھ ایک معاہدے پر دستخط کر دیئے ہیں۔ اس معاہدے کے تحت فیچ اسکائی کے کنیکٹ پلیٹ فارم پیکابو کے ذریعے صارفین کو بینک کی ڈسکائونٹ اور پروموشن آفرز بہتر انداز میں پیش کی جائیں گی۔ جاری کردہ اعلامیہ کے مطابق یہ سہولت بینک کی ویب سائٹ، موبائل اپیلی کیشن اور سوشل میڈیا چینلز کے ساتھ منسلک ہوگی جس سے صارفین تازہ ترین ڈسکائونٹس اور ڈیلز کے ساتھ ساتھ برانچ ، اے ٹی ایم اور اپنے قریب ترین ڈسکائونٹ ڈیل لوکیشن کے بارے میںبھی معلومات حاصل کرسکتے ہیں۔

اس پلیٹ فارم پر پیکابو کنیکٹ میزان بینک کے ڈیجیٹل چینل کے ساتھ متعدد فیچرز فراہم کرے گا جن میں لوکیشن میپس، صارفین کی ریٹنگ، ریویوز، پارٹنر مینوز، سروسز کی تفصیلات، آئوٹ لٹس کی پکچر گیلری اور مقامی پارٹنرز کی جانب سے مقامی اور بین الاقوامی پیش کردہ لوکیشنزشامل ہیں۔

(جاری ہے)

معاہدے پر میزان بینک کے ڈپٹی چیف ایگزیکٹو آفیسر عارف الاسلام اور فیچ اسکائی کے بانی اور چیف ایگزیکٹو آفیسر مہندی حسن ہریانی نے دستخط کئے۔

اس موقع پر میزان بینک کے ڈپٹی چیف ایگزیکٹو آفیسر عارف الاسلام نے کہاکہ فیچ اسکائی کے ساتھ معاہدہ کرکے ہمیں خوشی ہورہی ہے، یہ معاہدہ صارفین کو جدید سہولیات آسانی کے ساتھ فراہم کرنے کے ہمارے عزم میں مدد فراہم کرے گا، پیکابو کنیکٹ کی تنصیب مجموعی طور پر نہ صرف ہمارے صارفین کے تجربے کے معیار کو بہتر بنائے گی بلکہ ہمیں اپنے صارفین کو زیادہ بہتر انداز میں خدمات فراہم کرنے میں بھی مدد فراہم کرے گی۔ اس موقع پر فیچ اسکائی کے بانی اور چیف ایگزیکٹو آفیسر مہندی حسن ہریانی نے کہاکہ یہ ہمارے لیے نہایت خوشی کا موقع ہے کہ میزان بینک کے ساتھ ہمارا معاہدہ ہوا ہے۔

Facebook Twitter Google + Share on Whatsapp

میزان بینک کا صارفین کو بینک کی ڈسکائونٹ اور پروموشن آفرز بہتر انداز میں پیش کرنے کے لئے فیچ اسکائی کے ساتھ معاہدہ

مزید اہم خبریں