پیر پگارا اور سردار علی گوہر خان مہر کی ملاقات سیاسی عمل کا حصہ ہے، سردار علی گوہر خان مہر کی ناراضگی جلد ختم کریںگے، سید ناصر شاہ

بدھ 18 اپریل 2018 17:26

کراچی ۔ (اُردو پوائنٹ اخبارتازہ ترین - اے پی پی۔ 18 اپریل2018ء) سندھ کے وزیر اطلاعات سید ناصر شاہ نے کہا ہے کہ پیر پگارا اور سردار علی گوہر خان مہرکی ملاقات سیاسی عمل کا حصہ ہے، سردار علی گوہر خان مہر کی ناراضگی جلد ختم کریںگے۔ وہ بدھ کو سندھ اسمبلی اجلاس سے قبل میڈیا سے گفتگو کررہے تھے۔

(جاری ہے)

سید ناصر حسین شاہ نے کہاکہ بجلی کی لوڈ شیڈنگ بڑھ گئی ہے اس حوالے سے وزیراعلی سندھ نے وزیراعظم کو خط لکھا ہے امید ہے کہ نیپرا کارروائی کرے گی۔

انہوں نے کہاکہ کراچی میں 10بسیں سندھ حکومت کی کاوش ہے یہ آغاز ہے بسوں کی تعداد میں اضافہ کریںگے ہم زیادہ خوش نہیں ہیں بہت جلد مزید بسز آئیںگی۔ ایک سوال پر سردار علی گوہرمہر کی پیر پگاراسے ملاقات کو ناصر شاہ نے سیاسی عمل کا حصہ قرار دیا اور کہا کہ گھوٹکی ضمنی انتخابات میں اختلافات پیدا ہوئے تھے کوشش ہوگی کہ ان کی ناراضگیوں کو ختم کیا جائے۔