بھارت میں ایک اور8سالہ معصوم بچی کازیادتی کے بعد قتل

بچی کو سونو نامی شخص نے زیادتی کے بعد گلا گھونٹ کر ہلاک کیا،یوپی میں زیادتی کے بعد قتل ہونے والی بچیوں کی تعداد 5ہو گئی

بدھ 18 اپریل 2018 18:32

نئی دہلی(اُردو پوائنٹ اخبارتازہ ترین - آئی این پی۔ 18 اپریل2018ء) بھارتی ریاست اتر پردیش میں ایک اور 8سالہ معصوم بچی کودرندگی کے بعد قتل کر دیا گیا، 8سالہ بچی کو سونو نامی شخص نے زیادتی کا نشانہ بنایا اور گلا گھونٹ کر ہلاک کردیا،یوپی میں زیادتی کے بعد قتل ہونے والی بچیوں کی تعداد 5ہو گئی ۔ بھارتی میڈیا کے مطابق بھارتی ریاست اترپردیش میں ایٹہ میں شادی میں شرکت کیلئے آنیوالی 8سالہ بچی کے ساتھ زیادتی اور قتل کا معاملہ پیش آیا ہے۔

سینیئرپولیس سپرنٹنڈنٹ اکھلیش کمار چورسیا نے بتایا کہ شادی میں شریک 8سالہ بچی کو سونو نامی شخص نے زیادتی کا نشانہ بنایا اور گلا گھونٹ کر ہلاک کردیا۔ بچی کی تلاش میں جب کافی دیر ہوگئی تو والدین نے پولیس کو مطلع کیا۔ پولیس نے شادی ہال سے متصل ایک مکان سے بچی کو مردہ حالت میں برآمد کیااور ملزم سونو کو گرفتار کرلیا۔

(جاری ہے)

واضح ہو کہ اتر پردیش میں 5نابالغ بچیوں سے زیادتی کی وارداتیں سامنے آئیں۔

ان میں سے 3کو زیادتی کے بعد قتل کردیا گیا۔بہار کے ضلع ویشالی کے مہناز تھانہ علاقے کے واسودیو گاو?ں میں 5سالہ بچی سے اجتماعی زیادتی کا معاملہ سامنے آیا جہاں 2نوجوان بچی کو اغوا کر کے نامعلوم مقام پر لے گئے زیادتی کا شکار بنایاجسے نازک حالت میں حاجی پور اسپتال میں داخل کرایا گیا۔متاثرہ بچی کی ماں کے بیان پر گاو?ں کے لالو راوت اور رگھوناتھ راوت کیخلاف پولیس نے کیس درج کرکے گرفتاری کی کارروائی شرو ع کردی۔

مدھیہ پردیش کے ضلع شیو پوری میں 6سالہ بچی کے ساتھ زیادتی کا واقعہ پیش آیا۔پولیس کے مطابق بیراڈ تھانہ علاقے کے گاو?ں امرود میں شادی کی تقریب میں شریک بچی کو نامعلوم افراد نے رات گئے اغوا کیا اور اسے زیادتی کا نشانہ بنایا۔ ملزمان موقع سے فرار ہوگئے۔پولیس نے معاملہ درج کرکے ملزم کی تلاش شرو ع کردی۔