انقلابی تحریکوں سے وابستہ افرادقوم کا قیمتی اثاثہ ہوتے ہیں، ڈاکٹر فاروق ستار

بدھ 18 اپریل 2018 21:32

حیدرآباد (اُردو پوائنٹ اخبارتازہ ترین۔ 18 اپریل2018ء) انقلابی تحریکوں سے وابستہ افراد قوم کا قیمتی اثاثہ ہوتے ہیں جنہیں طاقت ،خوف اور لالچ سے نہیں خریدا جاسکتا۔ ان خیالات کا اظہار متحدہ قومی موومنٹ پاکستان کے سربراہ ڈاکٹر فاروق ستار نے ایم کیو ایم حیدرآباد کے ڈسٹرکٹ آفس کے باہر منعقدہ ذمہ داران کے اجلاس سے خطاب کرتے ہوئے کیا۔ اس موقع پر اراکین رابطہ کمیٹی شیخ صلاح الدین ،سہیل مشہدی ،راشد خلجی، صابرحسین قائم خانی ،سی سی کے رکن سراج راجپوت ،میئر حیدرآباد سید طیب حسین ،،سندھ تنظیمی کمیٹی اصغر کامریڈ ،،ایم کیو ایم حیدرآباد کے ڈسٹرکٹ آرگنائزر و اراکین آرگنائزنگ کمیٹی سمیت سیکٹرو یوسی ذمہ داران کی کثیر تعداد موجو د تھی ۔

ڈاکٹر فاروق ستار نے کہا کہ آزمائش ایم کیو ایم کے کارکنان کیلئے نئی بات نہیں۔

(جاری ہے)

انہوں نے کہا کہ وقت کا تقاضہ ہے کہ ہم آپسی اختلافات بھلا کر اپنی ذاتی انا کو فنا کر کے اپنے اتحاد کو مضبوط بنائیں ۔انہوں نے کہا کہ ہم ہمیشہ سے آئین پاکستان ،افواج پاکستان اور اعلیٰ عدلیہ کا احترام دل کی گہراہوں سے کرتے ہیں، ہم سے بڑا محب وطن کوئی نہیں، ہمارے آبا و اجداد کی قربانیوں کا ثمر پاکستان ہے جس کی بقاء و سلامتی اور عوام کی خوشحالی کی خاطر ہم کسی بھی قسم کی قربانی کیلئے ہمہ وقت تیار ہیں ۔