اوپن یونیورسٹی نے سمسٹر بہار 2018ء کے مختلف پروگرامز میں داخل 7لاکھ طلبہ و طالبات کو درسی کتابوں کی ترسیل شروع کردی

جمعرات 19 اپریل 2018 14:01

اسلام آباد ۔ (اُردو پوائنٹ اخبارتازہ ترین - اے پی پی۔ 19 اپریل2018ء) علامہ اقبال اوپن یونیورسٹی نے سمسٹر بہار 2018ء میں پیش کئے گئے میٹرک تا پی ایچ ڈی پروگرامز میں داخل 7لاکھ طلبہ و طالبات کو درسی کتابوں کی ترسیل کا کام شروع کردیا ہے، میٹرک پروگرام کے 50ہزار طلبہ پر مشتمل شعبہ ترسیل کتب کو موصول شدہ پہلی فہرست میں شامل طلبہ و طالبات کو درسی کتابوںکی ترسیل کا عمل مکمل کردیا گیا ہے جبکہ ایف اے اور بی اے پروگرامز میں داخل طلبہ و طالبات کو کتابوں کی ترسیل کا عمل جاری ہے۔

وائس چانسلر پروفیسر ڈاکٹر شاہد صدیقی نے ترسیل کتب کے عمل کو کم از کم وقت میں مکمل کرنے کی ہدایت کی ہے تاکہ طلبہ و طالبات کو پڑھنے اور سمجھنے کے لئے زیادہ سے زیادہ وقت مل سکے۔ شعبہ ترسیل کتب کے انچارج کے مطابق وائس چانسلر نے ترسیل کتب کے عمل کی تکمیل کے لئے ٹائم فریم دیا ہے ۔

(جاری ہے)

انہوں نے کہا ہے کہ شعبہ ترسیل کتب نے پاکستان پوسٹ آفس کے تعاون سے ترسیل کتب کے کام کو تیز کردیا ہے۔

یونیورسٹی کے میلنگ آفس کے ملازمین روزانہ کی بنیاد پر ہزاروں طلبہ کے لئے کتابوں کے پیکٹ تیار کرتے ہیں جبکہ پوسٹ آفس کے ملازمین ان پیکٹوں کی چھان بین کرکے ان کو ضلع وار ترتیب دے کر 36گھنٹوں کے اندر اندر ڈیلیوری کو یقینی بناتے ہیں۔پروفیسر ڈاکٹر شاہد صدیقی نے شعبہ ترسیل کتب میں کام کرنے والے کارکنوں کو ہدایت کی کہ وہ پوری محنت، ایمانداری اور توجہ سے ترسیل کتب کے عمل کو کم از کم وقت میں مکمل کریں تاکہ طلبہ و طالبات کو اپنے کورسسز میں شامل مضامین اور درسی مواد کو پڑھنے اور سمجھنے کے لئے زیادہ سے زیادہ وقت مل جائے۔

Facebook Twitter Google + Share on Whatsapp

اوپن یونیورسٹی نے سمسٹر بہار 2018ء کے مختلف پروگرامز میں داخل 7لاکھ طلبہ و طالبات کو درسی کتابوں کی ترسیل شروع کردی

متعلقہ عنوان :

مزید تعلیم کی خبریں