ہنگو، پولیس کا سرچ آپریشن،

4خطرناک اشتہاریوں سمیت 20جرائم پیشہ افرادگرفتار ،ناجائزاسلحہ ومنشیات برآمد

جمعرات 19 اپریل 2018 16:06

ہنگو(اُردو پوائنٹ اخبارتازہ ترین - این این آئی۔ 19 اپریل2018ء) ہنگومیں پولیس کا سرچ آپریشن۔ 4خطرناک اشتہاریوں سمیت 20جرائم پیشہ افرادگرفتار کر لئے گئے۔زیرحراست افرادکے قبضے سے ناجائزاسلحہ ومنشیات برآمد کر لیا گیا۔ملزمان کے خلاف مقدمات درج۔ تفصیلات کے مطابق ضلعی پولیس سربراہ آصف گوہرکی خصوصی ہدایت پرسماج دشمن عناصرکے خلاف تھانہ سٹی،صدر،دوآبہ،ٹل اوربلیامینہ پولیس نے گھیراتنگ کررکھااورشہرکے چپے چپے میں جرائم پیشہ افرادکی تلاش میں برسرپیکاررہتے ہوئے گزشتہ تین دن کے دوران تھانہ سٹی اورٹل کی15مقامات پرسرچ اینڈسٹرائیک آپریشزکاانعقادکیاجاچکاہے۔

آپریشنزکے اس تسلسل میں تھانہ سٹی اورٹل پولیس کی بھاری نفری نے ڈی ایس پی سرکل عمرحیات خان اورڈی ایس پی ٹل شوکت علی شاہ کی نگرانی میں مختلف کاروائیوں کے دوران قتل،اقدام قتل میں مطلوب4خطرناک اشتہاریوں سمیت20جرائم پیشہ افرادکوحراست میں لیکرانکے قبضے سے مجموعی طورپر2کلاشنکوف،7پستول،1رائفل،1بندوق3چارجرز اور760گرام چرس، 200مختلف بورکے کارتوس برآمدکرلیئے۔

(جاری ہے)

ضلعی پولیس سربراہ آصف گوہرکے مطابق تمام سرکل افسران اورایس ایچ اوزاپنے تھانوں کے حدودمیں سرزدہونے والے جرائم کی روک تھام کیلئے تمام جدیددستیاب وسائل بروئے کارلاکران کا قلع قمع کرنے میں کوئی کسرنہ چھوڑیں۔