چیف جسٹس سپریم کورٹ نے وزیراعلیٰ خیبرپختونخواہ کی کلاس لے لی

کتنےسکول اورہسپتال ہیں،چیف جسٹس کاسوال،ابھی معلومات نہیں، پرویزخٹک کاجواب، پشاورکی آبادی کتنی ہے؟ 60 لاکھ ہے،پرویزخٹک کاجواب، آپکی حکومت کےبارےسنا تھا،زمینی حقائق کچھ اور ہیں،آپ کی کارکردگی سے مطمئن نہیں ہوں۔چیف جسٹس سپریم کورٹ ثاقب نثار

ثنااللہ ناگرہ جمعرات 19 اپریل 2018 17:01

چیف جسٹس سپریم کورٹ نے وزیراعلیٰ خیبرپختونخواہ کی کلاس لے لی

پشاور(اُردوپوائنٹ اخبارتازہ ترین۔19 اپریل 2018ء) : چیف جسٹس سپریم کورٹ جسٹس ثاقب نثار نے وزیراعلیٰ خیبرپختونخواہ کی کلاس لے لی، آپ کی حکومت کے بارے سنا تھا ، لیکن زمینی حقائق کچھ اور ہیں،میں آپ کی کارکردگی سے مطمئن نہیں ہوں۔ میڈیا رپورٹس کے مطابق سپریم کورٹ پشاور رجسٹری میں خیبرپختونخواہ حکومت کی کارکردگی کیس کی سماعت ہوئی۔ جس میں چیف جسٹس کے سوالات کے وزیراعلیٰ پرویز خٹک جوابات نہ دے سکے۔

وزیراعلیٰ پرویز خٹک آدھے گھنٹے سے زائد روسٹرم پرکھڑے رہے۔اس موقع پرسرکاری حکام بھی عدالت میں موجود تھے۔چیف جسٹس نے سوال کیا کہ خیبرپختونخواہ میں کتنے سکول چل رہے ،کتنے ہسپتال بنائے گئے ہیں؟ پرویز خٹک نے جواب دیا کہ ابھی معلومات نہیں ہیں۔چیف جسٹس نے سوال کیا کہ پشاور کی آبادی کتنی ہے؟ پرویز خٹک نے بتایا کہ 60لاکھ ہے۔

(جاری ہے)

چیف جسٹس نے کہاکہ آبادی میں تیزی سے اضافہ ہورہا ہے لیکن انفراسٹرکچر بنا ہی نہیں۔

چیف جسٹس نے ریمارکس دیے کہ کے پی میں صحت و تعلیم کی کارکردگی نظر نہیں آ رہی ہے۔آلودہ پانی کے حوالے سے بھی کارکردگی نظرنہیں آرہی ہے۔پانچ سال بڑا عرصہ ہوتا ہے۔چیف جسٹس نے سوال کیا کہ آپ نے تعلیم اور صحت کے شعبوں میں کیا کام کیے؟جس پرپرویز خٹک نے جواب دیا کہ ہم نے پرانا اسٹرکچر بحال کیا ہے۔ ہم ڈاکٹروں ، اساتذہ کی بھرتیاں کیں۔چیف جسٹس ثاقب نثار نے خیبرپختونخواہ کی کاکردگی پرعدم اطمینان کا اظہار کرتے ہوئے کہاکہ میں نے آپ کی حکومت کے بارے سنا تھا کہ آپ اچھا کام کررہے ہیں لیکن زمینی حقائق کچھ اور ہیں۔

بیوروکریسی نے ہی سب کرنا ہے توآ پ کیوں یہاں بیٹھے ہیں؟ میں آپ کی کارکردگی سے مطمئن نہیں ہوں ۔انہوں نے کہاکہ آپ کاکام ہے کہ عوام کی خدمت کریں۔کب سے ہم ووٹ کا تقدس سن رہے ہیں۔ووٹ کا تقدس عوام کی خدمت سے ہوتا ہے۔چیف جسٹس نے مزید کہاکہ مجھے معلوم ہے کہ گزشتہ ایک ہفتے میں کیا ہورہا ہے۔