آئیسکو نے مختلف علاقوں میں بجلی کی بندش کا شیڈول جاری کر دیا

جمعرات 19 اپریل 2018 18:40

اسلام آباد ۔ (اُردو پوائنٹ اخبارتازہ ترین - اے پی پی۔ 19 اپریل2018ء) اسلام آباد الیکٹرک سپلائی کمپنی (آئیسکو) نے مختلف علاقوں میں بجلی کی بندش کا شیڈول جاری کر دیا۔

(جاری ہے)

آئیسکو ترجمان کے مطابق (آج) جمعہ 20 اپریل کو صبح10:00 بجے تا دن 14:00 بجے تک پنڈ سلطانی، جنڈ سٹی، جنڈ 2-، سنگجانی، پسوال، شاہ اللہ دتہ فیڈرز، صبح09:00 بجے تادن 14:00 بجے تک سرکال فیڈرز، صبح09:00 بجے تادن 15:00 بجے تک اجمل شہید فیڈرزاورگردونواح کی بجلی بند رہے گی۔

مزید برآں مورخہ20 اپریل صبح 06:00 بجے تا 21 اپریل 23:55 بجے تک ،132KV نیشنل پولیس فائونڈیشن گرڈ اسٹیشن پر متبادل ذرائع سے بجلی کی سپلائی جاری رہے گی تاہم ضرورت کے مطابق لوڈ مینجمنٹ کی جاسکتی ہے۔ آئیسکو اپنے معزز صارفین سے بجلی کی سپلائی کے دوران پیش آنے والے اس تعطل پر معذرت خواہ ہے۔ کام مقررہ وقت سے قبل مکمل ہونے کی صورت میں بجلی کی سپلائی مقررہ وقت سے پہلے بھی بحال کی جا سکتی ہے۔