پاک فضائیہ کی نئے اسلام آباد انٹر نیشنل ائیرپورٹ کو فعال بنانے کے لئے سول ایو ی ایشن اتھا رٹی کو بھر پور معا ونت

پیر 30 اپریل 2018 22:08

اسلام آباد ۔ (اُردو پوائنٹ اخبارتازہ ترین - اے پی پی۔ 30 اپریل2018ء) قومی اداروں کی معاونت میں پاک فضائیہ کی درخشاں روایات اور اس کی اعلی قیادت کی ہدایات کی روشنی میں پاک فضائیہ نے نئے تعمیر شدہ اسلام آباد انٹر نیشنل ائیرپورٹ پر منظم اور محفوظ آپریشنز کی شروعات کے لئے سول ایوی ایشن اتھا رٹی کو بھر پور تعاون فراہم کیا ہے۔ اسی تناظر میں جمعہ کو سول ایوی ایشن اتھا رٹی کی درخواست پر مسافروں اور سامان سے لدا ہوا پاک فضائیہ کا ایکC-130 طیارہ اس ائیر پورٹ پر اترا جس کا مقصد انسٹرومنٹ لینڈنگ پیٹرن او ر رن وے کے معیار کو جانچنا تھا۔

یہ لینڈنگ اس سلسلے کی ایک کڑی تھی جس میں پاک فضائیہ کے کم وزن تربیتی طیا رے سپر مشاق سے لے کر بھاری بھر کم C-130 طیارے بھی اس رن وے پر کامیابی سے اتر تے رہے اور اسی ماہ ہونے والی پی آئی ای کی پہلی آزمائشی پرواز کی کامیاب لینڈنگ کو ممکن بنانے میں اہم کردار ادا کیا ۔

(جاری ہے)

پاک فضائیہ نے سول ایوی ایشن اتھارٹی کے ساتھ ملکر اپنی فضائی تربیتی حدود کا ازسرنو تعین کیا ہے تاکہ اس ائیر پورٹ پرفضائی ٹریفک کی ہموار آمدورفت کو یقینی بنایا جا سکے۔

علاوہ ازیں پاک فضا ئیہ نے اپنے تربیت یافتہ افراد سے لیس ایک جدید ائیر ٹریفک کنٹرول سکواڈرن بھی قائم کیا ہے جو کہ ائیر پورٹ پر منظم فضائی آمدورفت میں ہمہ وقت معاون ثا بت ہو گا۔ قائم مقام ڈائریکٹر جنرل سول ایوی ایشن اتھا رٹی ائیر وائس مارشل عسید الرحمان عثمانی نے اس نئے ائیر پورٹ کو فعال بنانے میں پاک فضائیہ کی بھر پور معاونت کو سراہا اور امید ظا ہر کی کہ شاندار منصو بہ ملک میں خوشحالی کے ایک نئے دور کا آغا ز ثابت ہو گا۔