وزیراعظم شاہد خاقان عباسی نے نیو اسلام آباد انٹرنیشنل ائیر پورٹ کا افتتاح کر دیا
مقدس فاروق اعوان منگل 1 مئی 2018 12:09
(جاری ہے)
نیو اسلام آباد انٹرنیشنل ایئر پورٹ 19 مربع کلو میٹر پر محیط ہے جہاں سے پروازوں کا باقاعدہ آغاز بروز جمعرات 3 مئی سے ہوگا۔نیو اسلام آباد ایئرپورٹ کا رن وے ساڑھے 3 کلو میٹر سے زائد طویل ہے جو پاکستان کا سب سے بڑا رن وے ہے ۔ اس رن وے پر اے تھری ایٹی سمیت دنیا کا بڑے سے بڑا ہوائی جہاز دُھند میں بھی لینڈ کر سکتا ہے۔ جدید ترین سہولیات سے آراستہ، 2 رن وے والے نیو اسلام آباد انٹرنیشنل ایئرپورٹ کی عمارت کا ڈیزائن جہاز کے پروں کے طرز پر بنایا گیا ہے جہاں بیک وقت 28 ہوائی جہازوں کے مسافروں کو سہولیات مہیا کی جا سکتی ہیں۔ اسلام آباد کا نیا انٹرنیشنل ایئرپورٹ خطے کے ایوی ایشن حب کے طور پر ڈیزائن کیا گیا جہاں مسافروں کی سہولت کے لیے 3 شاپنگ مالز، گالف کورس، سینما گھر،ایک بڑا اسپتال، کنونشن سینٹر، ڈیوٹی فری شاپس اور ریسٹورنٹ وغیرہ موجود ہیں۔ اس کے علاوہ نئے ایئرپورٹ پر بین الاقوامی معیار کے سیلف چیک ان کاؤنٹرز، لانگ ٹائم پارکنگ، 8 فائر کریش ٹینڈرز، جدید ترین ایئرفیلڈ، طیاروں کو فنی سہولیات فراہم کرنے کے لیے جدید ترین ایم آر او سسٹم اور الگ کارگو ٹرمینل بھی بنایا گیا ہے۔ایئرپورٹ پر کارگو ویلیج بھی بنایا گیا ہے جبکہ گراؤنڈ ہینڈلنگ ایجنسیز نے بھی اپنے کام کا آغاز کر رکھا ہے۔ مزید برآں پاکستان کے سب سے بڑے انٹرنیشنل ایئرپورٹ کی سکیورٹی پر ائیر پورٹ سکیورٹی فورس کے 4 ہزار جوان اور رینجرز کے دستے تعینات ہوں گے۔ اس کے علاوہ سکیورٹی کو مزید بہتر اور فول پروف بنانے کے لیے جدید ترین لیزر سکیورٹی سسٹم بھی نصب کیا گیا ہے۔ ائیر پورٹ کی افتتاحی تقریب سے خطاب کرتے ہوئے وزیر اعظم شاہد خاقان عباسی نے کہ اکہ ہم نے جومنصوبے شروع کیے وہ پورے بھی کیے۔ موجودہ دورمیں فضائی سفرضرورت بن گیا ہے۔ یہ ہوائی اڈہ حکومت کی گذشتہ پانچ سال کی کارکردگی کی مثال ہے۔ انہوں نے کہا کہ منصوبہ اقتصادی ترقی کےلیےگیٹ وے ہے۔ نیواسلام آباد ایئرپورٹ عالمی معیار کا ہوائی اڈہ ہے، شاہد خاقان عباسی نے اعلان کیا کہ لاہورایئرپورٹ کی توسیع بھی رواں ماہ شروع کی جائے گی۔ بےشمارچیلنجزمیں ہمارے لیے حکومت کرنا آسان نہیں ہے۔ انہوں نے کہا کہ ہم نے صرف زبانی وعدے نہیں کیے بلکہ عملی طور پر کام کر کے دکھایا ہے۔ ملک میں ترقی جمہوریت کی بدولت ہی ہوتی ہے۔ کسی ملک نے جمہوریت کے بغیر ترقی نہیں کی۔ ہم نے گیس کی طلب ورسد کا فرق مٹایا۔ 10ہزارمیگاواٹ سےزائد بجلی سسٹم میں شامل ک۔ یملک میں ہزاروں کلومیٹرز شاہراہیں بن رہی ہیں۔ حکومتی اقدامات پرتنقیدکرنا آسان ہوتا ہےیہ منصوبہ سالہا سال تاخیرکاشکارتھا لیکن ہماری حکومت نے اسے مکمل کر کے دکھا دیا۔ یاد رہے کہ اس سے قبل نیو اسلام آباد انٹر نیشنل ایئرپورٹ کا افتتاح 20 اپریل کو ہونا تھا تاہم نامعلوم وجوہات کے باعث تاریخ تبدیل کرتے ہوئے اس کا آج افتتاح کیا گیا۔ وزیر اعظم شاہد خاقان عباسی نے افتتاحی تقریب سے خطاب کرتے ہوئے کہا کہ موجودہ دور میں فضائی سفر ایک ضرورت بن گیا ہے اور منصوبہ سالوں سے تاخیر کا شکار تھا ہم نے ایک مشکل کام کو حقیقت میں تبدیل کر دیا ہے۔
مزید اہم خبریں
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.