خیبر میڈیکل یونیورسٹی نے ایم بی بی ایس فائنل پروفیشنل سالانہ امتحان2017کے نتائج کا اعلان کردیا

جمعہ مئی 20:38

پشاور۔ (اُردو پوائنٹ اخبارتازہ ترین۔ 04 مئی2018ء) خیبر میڈیکل یونیورسٹی (کے ایم یو))پشاور نے ایم بی بی ایس فائنل پروفیشنل سیشن2017کے سالانہ امتحانات کے نتائج کا اعلان کر دیا۔امتحان میں کل1529طلبہ و طالبات شریک ہوئے جن میں1381نے کا میابی حا صل کی اس طرح کامیابی کی مجموعی شرح90 فیصد رہی۔ نتائج کے مطابق خیبرمیڈیکل کالج پشاورکے طالب علم محمد ولی سلیم نے 1429 نمبر لیکر پہلی اسی کالج کی طالبہ مژدہ سبحان نی1405نمبروں کے ساتھ دوسری جبکہ خیبر گرلزمیڈیکل کالج کی طالبہ تسنیم نے 1397نمبرلے کر تیسری پوزیشن حاصل کی ۔

تفصیلات کے مطابق ایم بی بی ایس فائنل پروفیشنل کے مذکورہ سالانہ امتحان کے نتائج ایک ماہ کے ریکارڈ مدت میں تیار کیئے گئے ہیں جس کا کریڈٹ یونیورسٹی کے کنٹرولر امتحانات کرنل(ر))ڈاکٹر محمدبختیار خان، ان کی ٹیم اور ممتحمین کو جاتا ہے جنہوں نے اپنی شبانہ ورز محنت سے ایک ریکارڈ مدت میں نتیجہ تیار کیا۔

(جاری ہے)

کے ایم یو کے شعبہ امتحانت کی جانب سے جاری کردہ نتائج کے مطابق خیبر میڈیکل کالج پشاور کی289 طلبہ و طالبات میں283 نے کامیابی حاصل کی جبکہ اسکا نتیجہ98فیصدرہا، ایوب میڈیکل کالج ایبٹ آباد کی236 طلبا و طالبات میں215نے کامیابی حاصل کی اور اس کانتیجہ 91فیصد رہا، گومل میڈیکل کا لج ڈیرہ اسماعیل خان کی90طلباء وطالبات مذکورہ امتحان میں شریک ہوئے جن میں78کامیاب قرار پائے اوراس کے نتیجے کی شرح87فیصد رہی ۔

امتحان میںخیبر گرلز میڈیکل کالج پشاورکی 74 طالبات شریک ہوئیں جو تمام کامیاب قرار پائیں اور اس کا نتیجہ100فیصد رہا۔سیدو میڈیکل کالج سوات کی100طلباء وطالبات میں سی95نے امتحان میں کامیابی حاصل کی اور اس کانتیجہ95فیصد رہا۔کے ایم یو انسٹی ٹیوٹ آف میڈیکل سائنسز کوہاٹ کی104میں سی99 طلباء وطالبات کامیاب ہوئے اور اس کا نتیجہ95فیصد رہا۔۔بنوں میڈیکل کالج بنوں کی95میں سی86 طلباء وطالبات نے کامیابی حاصل کی اور اس کانتیجہ91فیصد رہا۔

وومن میڈیکل کالج ایبٹ آباد کے کل106میں سی88طلباء وطالبات کامیاب ہوئے اور اس کانتیجہ83فیصد رہا۔۔جناح میڈیکل کالج پشاور کے امتحان میں کل شریک 81 طلباء وطالبات میں66کامیاب قرار پائے اس طرح کالج کانتیجہ81فیصد رہا،امتحانی نتائج کے مطابق باچا خان میڈیکل کالج مردان کی55طلباء وطالبات میں53کامیاب ہوئے ہیں اور اس کا نتیجہ 96فیصد رہا ہے،رحمان میڈیکل کالج کے 100طلباء وطالبات میں 92کامیاب ہوئے ہیں اور اس طرح اس کے نتیجے کی شرح 92فیصد رہی ہے،مذکورہ امتحان میں پاک انٹرنیشنل میڈیکل کالج کے 115طلباء وطالبات شریک ہوئے تھے جن میں96نے کامیابی حاصل کی ہے اور اس کا مجموعی نتیجہ83فیصد آیا ہیجبکہ ایبٹ آباد انٹرنیشنل میڈیکل کالج ایبٹ آباد کی84میں سی56 طلبا و طالبات نے کامیابی حاصل کی اور اس کی کامیابی کی شرح 67فیصد رہی۔

دریں اثناء خیبر میڈیکل یونیورسٹی کے وائس چانسلر پروفیسر ڈاکٹرارشد جاویدنے کامیاب طلبا و طالبات اور ان کے والدین کو مبارک باد دیتے ہوئے کہاہے کہ یہ نوجوان ڈاکٹرز قوم کا سرمایہ افتخار ہیں ۔ انہوںنے امید ظاہر کی کہ یہ نوجوان ڈاکٹرز اپنے والدین ، اساتذہ اور قوم کی توقعات پر پوار اترنے کے ساتھ ساتھ دکھی انسانیت کی خدمت کو اپنی زندگی کا نصب العین بنائیں گے۔

انہوں نے امتحانی نتائج کی ریکارڈ مدت میں تیاری اور امتحانی نظام کی شفافیت کو یقینی بنانے میں یونیورسٹی کے کنٹرولر امتحانات کرنل(ر))ڈاکٹر محمدبختیار خان، ان کی ٹیم اور ممتحمین کے کردار اور محنت کی تعریف کرتے ہوئے امید ظاہر کی وہ طبی تعلیم کی اہمیت کے پیش نظر اپنی محنت مستقبل میں بھی اسی جوش اور جذبے سے جاری رکھیں گے اورمیرٹ اورشفافیت کے کلچر کو فروغ دینے میں کسی مصلحت اور دبائو کو خاطر میں نہیں لائیں گے۔