قومی اسمبلی میں پاکستانی طالبہ سبیکا شیخ ،کرنل عابد شہید ،ہیڈ کانسٹیبل اور کوئٹہ میں موٹروے پولیس کے جاں بحق اسسٹنٹ پٹرولنگ آفیسر کے ایصال ثواب کے لئے فاتحہ خوانی کرائی گئی

منگل 22 مئی 2018 21:47

اسلام آباد(اُردو پوائنٹ اخبارتازہ ترین - آئی این پی۔ 22 مئی2018ء) قومی اسمبلی میں امریکہ میں دہشتگردی کے واقعہ میں شہید ہونے والی پاکستانی طالبہ سبیکا شیخ کرنل عابد شہید کے ساتھ شہید ہونے والے ہیڈ کانسٹیبل اور کوئٹہ میں موٹروے پولیس کے جاں بحق ہونے والے اسسٹنٹ پٹرولنگ آفیسر کے ایصال ثواب کے لئے فاتحہ خوانی کرائی گئی۔

(جاری ہے)

منگل کو قومی اسمبلی میں پیپلز پارٹی کی شازیہ مری نے کہا کہ ہم نے امریکہ میں دہشت گردی کے واقعہ میں شہید ہونے والی سبیکا شیخ کے حوالے سے ہم نے قرارداد جمع کرائی ہے اسے زیر غور لایا جائے۔

انہوں نے کہا کہ کرنل عابد کے ساتھ پولیس کے ہیڈ کانسٹیبل ثنا اللہ جو زخمی تھے وہ بھی شہید ہوگئے ہیں، اس کے علاوہ موٹروے پولیس کے کوئٹہ میں جاں بحق ہونے والے اسسٹنٹ پٹرولنگ آفیسر کے ایصال ثواب کیلئے بھی دعا کرائی جائے۔ ڈپٹی سپیکر مرتضی عباسی کی ہدایت پر پی ٹی آئی کے رکن حامد الحق نے مرحومین کے لئے فاتحہ خوانی کرائی۔

Facebook Twitter Google + Share on Whatsapp

متعلقہ عنوان :

مزید قومی خبریں