Live Updates

پی ٹی آئی دھرنے میں جنرل ظہیرکاکوئی کردارنہیں تھا،عمران خان

منگل 22 مئی 2018 23:40

اسلام آباد (اُردو پوائنٹ اخبارتازہ ترین - آن لائن۔ 22 مئی2018ء) پاکستان تحریک انصاف کے سربراہعمران خان نے کہاہے کہ دھرنے کے پیچھے جنرل ظہیر کا کوئی کردارنہیں تھا،نواز شریف کے پاس کوئی ٹیپ ہے تو سامنے لائیں۔نجی ٹی وی کے پروگرام میں پی ٹی آئی کے چئیرمین عمران خان نے بتایاکہ الیکشن میں پی پی سے اتحاد ممکن نہیں۔انھوں نے کہا کہ سابق صدر بھی منی لانڈرنگ میں سابق وزیراعظم سے کم نہیں۔

(جاری ہے)

عمران خان نے شکوہ کیاکہ نگران وزیراعظم کی مشاورت میں پی ٹی آئی شامل نہیں۔شفاف الیکشن کے لیے نگران وزیراعظم کا ہونا ضروری ہے۔انھوں نے کہاکہ تحریک انصاف الیکشن میں مخالفین کابھرپورمقابلہ کریگی۔ چئیرمین پی ٹی آئی نے کہاکہ نواز شریف چاہتے ہیں کہ امپائر اس کے ساتھ ملے،پاناما کیس نے ثابت کردیا کہ ملک کے سارے ادارے مفلوج ہیں۔انھوں نے دعوی مسترد کرتے ہوئے کہاکہ دھرنے کے پیچھے جنرل ظہیر کا کوئی کردار نہیں تھا،نواز شریف کے پاس کوئی ٹیپ ہے تو سامنے لائیں۔