ماسٹرٹیبل ٹینس ٹورنامنٹ عید الفطرکے بعد اسلام آباد میں کھیلی جائے گا، شاہد بلوچ

اتوار 27 مئی 2018 21:20

اسلام آباد (اُردو پوائنٹ اخبارتازہ ترین - آئی این پی۔ 27 مئی2018ء) پنجاب ٹیبل ٹینس ایسوسی ایشن کے سابق چیئرمین اور صدر پاکستان ٹیبل ٹینس فیڈریشن کے مشیر شاہد بلوچ نے کہا ہے کہ پاکستان ٹیبل ٹینس فیڈریشن کے زیراہتمام ماسٹرٹیبل ٹینس ٹورنامنٹ عید الفطرکے بعد پاکستان سپورٹس کمپلیکس، اسلام آباد میں کھیلی جائے گا جس میں ملک بھر سے دس ٹیموں کے 32 مرد اور 16 خواتین کھلاڑی حصہ لیں گے، ان ٹیموں کا تعلق پاکستان واپڈا، پاکستان آرمی، ہائرایجوکیشن ، نیشنل ہائی ویز،پاکستان ریلوے ، پنجاب، سندھ، بلوچستان، خیبرپختونخوا اور اسلام آباد شامل ہیں، شاہد بلوچ نے کہا کہ ٹورنامنٹ کی تیاریا ں زور و شور پر ہیں۔