ناصر کھوسہ کا نام واپس لینے کی اب کوئی گنجائش نہیں، پی ٹی آئی کا فیصلہ مذاق ہے ‘رانا ثنا اللہ

گڈی گڈے کا کھیل نہیں جو اب نام واپس لیا جائے، آئین کے مطابق اب دوبارہ مشاورت نہیں ہو سکتی

بدھ مئی 19:00

لاہور (اُردو پوائنٹ اخبارتازہ ترین۔ 30 مئی2018ء) صوبائی وزیر قانون و پارلیمانی امور رانا ثنا اللہ خاں نے کہا ہے کہ تحریک انصاف کی جانب سے نامزد نگران وزیر اعلیٰ پنجاب کا نام واپس لینے کا فیصلہ مذاق ہے۔

(جاری ہے)

تحریک انصاف کے فیصلے پر اپنے ردعمل کا اظہار کرتے ہوئے انہوں نے کہا کہ تحریکِ انصاف کے ساتھ مکمل مشاورت کے بعد نگران وزیر اعلیٰ پنجاب کیلئے ناصر خان کھوسہ کا نام سامنے لایا گیا تھا، اب نام واپس لینے کی اب کوئی گنجائش نہیں، یہ گڈی گڈے کا کھیل نہیں کہ اب نام واپس لیا جائے، تحریک انصاف کا فیصلہ مذاق ہے۔

رانا ثنا اللہ نے کہا کہ آئین کے مطابق اب دوبارہ مشاورت نہیں ہو سکتی۔ یہ مذاق نہیں ہے کہ ہم کس طرح نام سے پیچھے ہٹ جائیں۔ ناصر کھوسہ نے تمام حکومتوں کیساتھ کام کیا ہے اور وہ ایک ایماندار آدمی ہیں۔