سابق وزیر اعلیٰ پرویز خٹک کے کزن چنگیز خان کو حلقہ پی پی 2کا ٹکٹ نہ دینے پر پی ٹی آئی کارکن کی خودسوزی

فیصلہ پر نظر ثانی نہ ہونے کی صورت میں پی ٹی آئی کے چار سابق امیدواران وائس چیئرمین نے بنیادی رکنیت چھوڑنے کی دھمکی دیدی بیرون ممالک سے بھی حلقہ عوام کا چنگیز خان سے اظہار یکجہتی، حضرو شہر کے احتجاج میں مسلم لیگی جنرل کونسلر ملک اجمل نے بھی حمایت کر دی مسلم لیگ(ن) کو شکست دینے کیلئے پی ٹی آئی ٹائیگرز ، سپورٹرز اور مختلف سیاسی دھڑوں کا چنگیز خان کو ٹکٹ دینے کا متفقہ مطالبہ

ہفتہ 9 جون 2018 20:35

سابق وزیر اعلیٰ پرویز خٹک کے کزن چنگیز خان کو حلقہ پی پی 2کا ٹکٹ نہ دینے ..

اٹک (اُردو پوائنٹ اخبارتازہ ترین۔ 09 جون2018ء) سابق وزیر اعلیٰ خیبر پی کے پرویز خٹک کے کزن چنگیز خان کو پی پی کا ٹکٹ نہ دینے پر پی ٹی آئی ٹائیگر کی خودسوزی کی کوشش، حلقہ بھر میں کارکنان، سپورٹرز اور سیاسی حلقوں کا سخت احتجاج،، فیصلہ پر نظر ثانی نہ ہونے کی صورت میں پی ٹی آئی کے چار سابق امیدواران وائس چیئرمین نے بنیادی رکنیت چھوڑنے کی دھمکی دیدی ، مسلم لیگ (ن) کے امیدوار کو شکست دینے کیلئے پورے چھچھ نے متفقہ طور پر پی ٹی آئی قیادت سے چنگیز خان کو ٹکٹ دینے کا مطالبہ کر دیا، بیرون ممالک سے بھی حلقہ عوام کا چنگیز خان سے اظہار یکجہتی، حضرو شہر کے احتجاج میں مسلم لیگی جنرل کونسلر ملک اجمل نے بھی چنگیز خان کی حمایت کر دی، تفصیلات کے مطابق پی پی 2کیلئے پی ٹی آئی کی طرف سے چنگیز خان جو کہ پرویز خٹک کے کزن بھی ہیں کو ٹکٹ نہ دینے کو علاقہ عوام نے سخت حیرت اور غم و غصے کا اظہار کرتے ہوئے حضرو شہر اور مختلف یونین کونسلوں میں احتجاجی مظاہرے اور چنگیز خان سے یکجہتی کے اظہار کیلئے اجتماعات ہوئے ، فوارہ چوک حضرو میں پی ٹی آئی کارکن نے چنگیز خان کو ٹکٹ نہ ملنے پرخود پر پیٹرول چھڑک لیا اور آگ لگانے کی کوشش کی مگر مظاہرین نے پکڑ کر بچا لیاجبکہ بلدیاتی الیکشن میں پی ٹی آئی کے ٹکٹ پر الیکشن لڑنے والے چارامیدواران وائس چیئرمین نے بھی سخت احتجاج کرتے ہوئے چنگیز خان کو ٹکٹ نہ ملنے کی صورت میں پارٹی کی بنیادی رکنیت سے مستعفی ہونے کا اعلان کر دیا ہے ، چنگیز خان کی عوامی مقبولیت کے پیش نظر ان سے مسلم لیگ ن کے جنرل کونسلر بزرگ سیاسی رہنما حاجی اجمل خان نے بھی ان کا مکمل ساتھ دینے کا اعلان کر دیا ہے جبکہ بیرون ممالک سے بھی چھاچھیوں نے پی ٹی آئی قیادت کے فیصلے کے خلاف احتجاج کرتے ہوئے چنگیز خان کو پی ٹی آئی ٹکٹ دینے کا مطالبہ کیا ہے