آصفہ بھٹو نے الیکشن میں حصہ لینے کا فیصلہ تبدیل کرلیا، ضمنی الیکشن میں حصہ لیں گی

منگل 12 جون 2018 19:50

اسلام آباد (اُردو پوائنٹ اخبارتازہ ترین - این این آئی۔ 12 جون2018ء) سابق صدر آصف علی زرداری کی صاحبزادی آصفہ بھٹو زرداری نے الیکشن 2018ء میں حصہ لینے سے متعلق فیصلہ تبدیل کرلیا ۔نجی ٹی وی کے مطابق آصفہ بھٹو عام انتخابات کی بجائے قومی اسمبلی کیلئے ضمنی الیکشن میں حصہ لیں گی ،وہ کس حلقے سے انتخاب لڑیں گی اس حوالے سے معاملات طے ہونا باقی ہیں۔

(جاری ہے)

ذرائع کے مطابق آصفہ بھٹو کو ممکنہ طور پر چیئرمین پیپلز پارٹی بلاول بھٹو کی جیتنے والی 2 نشستوں میں سے ایک خالی ہونے والی سیٹ سے انتخاب لڑایا جاسکتا ہے ۔بلاول بھٹو لیاری اور لاڑکانہ سے قومی اسمبلی کے امیدوار ہیں، وہ لاڑکانہ کی آئی سیٹ رکھنا چاہتے ہیں جبکہ آصفہ بھٹو لیاری کو اپنا حلقہ بنانا چاہتی ہیں، اس لئے لیاری سے ضمنی الیکشن لڑیں گی۔ذرائع کے مطابق آصفہ بھٹو کو لیاری کاحلقہ دینے کی وجہ سے انہیں عام انتخابات میں ٹکٹ نہیں دیا گیا ۔