قمرالاسلام کی گرفتاری بدقسمتی کی بات ہے ‘جسے بھِی خرابی نظر آتی ہے مسلم لیگ (ن) میں ہی نظر آتی ہے‘ اس طرح الیکشن کی شفافیت پر سوال اٹھ رہے ہیں‘نوازشریف کی 100 پیشیاں ہوئیں، انصاف ہوتا نظر نہیں آرہا، میں نے پہلے کہا تھا کہ کوئی توقع نہیں کہ نوازشریف کو انصاف ملے گا

مسلم لیگ(ن) کے مرکزی رہنما سابق وزیراعظم شاہد خاقان عباسی کی الیکشن ٹربیونل میں حاضری کے موقع پر گفتگو

منگل جون 12:20

اسلام آباد(اُردو پوائنٹ اخبارتازہ ترین۔ 26 جون2018ء) مسلم لیگ(ن) کے مرکزی رہنما سابق وزیراعظم شاہد خاقان عباسی نے کہا ہے کہ قمرالاسلام کی گرفتاری بدقسمتی کی بات ہے ‘جسے بھِی خرابی نظر آتی ہے مسلم لیگ (ن) میں ہی نظر آتی ہے‘ اس طرح الیکشن کی شفافیت پر سوال اٹھ رہے ہیں‘نوازشریف کی 100 پیشیاں ہوئیں، انصاف ہوتا نظر نہیں آرہا، میں نے پہلے کہا تھا کہ کوئی توقع نہیں کہ نوازشریف کو انصاف ملے گا۔

تفصیلات کے مطابق سابق وزیراعظم شاہد خاقان عباسی اسلام آباد سے قومی اسمبلی کے حلقے این اے 53 سے کاغذات نامزدگی کی ایپلٹ ٹریبونل میں سماعت کے سلسلے میں پیش ہوئے جہاں ٹریبونل نے ان کے حق میں فیصلہ دیتے ہوئے الیکشن لڑنے کی اجازت دیدی۔ٹریبونل کے فیصلے کے بعد میڈیا سے گفتگو کرتے ہوئے سابق وزیراعظم شاہد خاقان عباسی نے کہا کہ میں نے ؂اپنے حلقے سے 8 بار منتخب ہوا،حلقے کی بہتری کیلئے کیاکام کیا،اس سے بہترجواب نہیں تھا،میں نے یہی بہتر جواب سمجھا ہے،اب فیصلہ حلقے کی عوام نے کرنا ہے ،آر ا و نے فیصلے میں لکھاکہ حلف نامہ مکمل پرٴْنہیں کیا۔

(جاری ہے)

میں نے اپنے حلقے اور پاکستان کے لیے کام کیا، کبھی کسی آمر کا ساتھ نہیں دیا اور پارٹی سے وفاداری نہیں بدلی۔انہوں نے کہا کہ اب فیصلہ حلقے کے عوام نے کرنا ہے، ہم بھرپور طریقے سے الیکشن لڑیں گے اور یقین ہے کہ (ن) لیگ کامیاب ہوگی۔(ن) لیگ کے امیدوار قمرالاسلام کی گرفتاری پر سابق وزیراعظم کا کہنا تھا کہ ان کی گرفتاری بدقسمتی کی بات ہے، جس سے کبھی تفتیش نہیں ہوئی، کچھ پوچھا نہیں گیا اسے اچانک گرفتار کرنا افسوسناک ہے، نیب سے گزارش ہے قمرالاسلام کو فوری رہا کیا جائے تاکہ وہ الیکشن میں حصہ لے سکیں۔

شاہد خاقان عباسی نے مزید کہا کہ جسے بھِی خرابی نظر آتی ہے مسلم لیگ (ن) میں ہی نظر آتی ہے، الیکشن کی شفافیت پر سوال اٹھ رہے ہیں اور اٹھیں گے۔ان کا کہنا تھاکہ نوازشریف کی 100 پیشیاں ہوئیں، انصاف ہوتا نظر نہیں آرہا، میں نے پہلے کہا تھا کہ کوئی توقع نہیں کہ نوازشریف کو انصاف ملے گا، انصاف نہ صرف ہوناچاہیے بلکہ ہوتا ہوا نظر آنا چاہیے۔