عمران خان کے پاس اے ٹی ایمز کی کمی نہیں،خواجہ سعد رفیق

بدھ 27 جون 2018 00:00

لاہور(اُردو پوائنٹ اخبارتازہ ترین - آن لائن۔ 27 جون2018ء) مسلم لیگ ن کے رہنماخواجہ سعد رفیق نے کہا ہے کہ عمران خان کے پاس اے ٹی ایمز کی کمی نہیں وہ جھوٹے ،نااہل اور نالائق شخص ہیں ۔ خیبر پختو نخوا میں کچھ نہیں کیا ہم نے 10 ہزار میگاواٹ بجلی سسٹم میں ڈالی، گزشتہ روز لاہور میں کارنر میٹنگ کے دوران خطاب کرتے ہوئے مسلم لیگ ن کے رہنما سابق وفاقی وزیر ریلوے خواجہ سعد رفیق نے کہا ہے کہ عمران خان نااہل ، جھوٹے اور نالائق آدمی ہیں ۔

(جاری ہے)

پشاور میں ڈینگی آیا تو سبز دل شخص پہاڑوں پر چڑھ گیا اپنی ہی جماعت کے لوگوں نے عمران خان کے خلاف دھرنا دیا تو دھرنے کے وقت عمران خان بنی گالہ سے نہیں نکلے ایاز صادق اورنواز شریف کو دعائیں دیں جنہوں نے پی ٹی آئی کے استعفے قبول نہیں کیے عمران کے پاس اے ٹی ایمز کی کمی نہیں ایاز صادق کے مقابلے میں پی ٹی آئی کی اے ٹی ایمز کھڑی ہے انہوں نے مزید کہا ہے کہ خود انکم ٹیکس نہیں دیتے عمران خان کوکے پی کے میں حکومت ملی کیا کارنامہ کیا ہے ،مسلم لیگ ن کی حکومت نے 10 ہزار میگاواٹ بجلی سسٹم میں شامل کی۔ بلدیاتی نمائندے انتخابی مہم میں کیوںحصہ نہیں لے سکتے ۔