الیکشن قریب آتے ہی سیاسی جماعتوں کی پھرتیوں میں بھی اضافہ

ارب پتی امیدواروں کے مقابلے میں بہاولپور کی خاتون امیدوار کی رکشے پر انتخابی مہم

پیر 2 جولائی 2018 17:47

بہاولپور(اُردو پوائنٹ اخبارتازہ ترین - آن لائن۔ 02 جولائی2018ء) بہاولپور میں آل پاکستان مسلم لیگ کی رہنما شازیہ نورین نے ارب پتی امیدواروں کے مقابلے میں اپنی انتخابی مہم کا آغاز رکشے سے شر وع کر دی اس حوالے خاتون امیدوار کا کہنا ہے کہ میں نے کسی پر رعب نہیں ڈالنا نہ ہی میں بڑی گاڑیاں افورڈ کرسکتی ہوں۔

(جاری ہے)

حلقہ این اے 170 کی امیدوار کے عوامی انداز پر شہری بھی بہت خوش ہیں جن کا کہنا ہے کہ یہ دیکھ کربہت اچھا لگتا ہے کہ عوامی نمائندہ کسی لینڈ کروزر نہیں بلکہ پبلک ٹرانسپورٹ میں سفر کر کے ہمارے پاس آیا۔

شازیہ نورین کوحلقے میں مختلف جگہوں پر رکشے میں لے کرجانے والے بزرگ ڈرائیور کا کہنا ہے کہ جب تک انہیں ضرورت ہے ، کسی بھی مہم پر جانے کیلئے میں ان کے ساتھ ہوں۔انتخابی ہار جیت کا فیصلہ تو25 جولائی کو ہوگا لیکن خاتون امیدوارکی الیکشن مہم کی پزیرائی دیکھ کر لگتا ہے کہ انہوں نے لوگوں کے دل ضرور جیت لیے ہیں