ضلعی انتظامیہ نے انتخابی جلسوں کیلئے شہر میں 23 مقامات کو مختص کر کے نوٹیفکیشن جاری کر دیا

امیدوار صرف مذکورہ مقامات پر جلسہ کر سکیں گے ،ہر امیدوار کیلئے تین دن پہلے مطلع کرکے اجازت لینا لازم ہو گا

منگل 17 جولائی 2018 23:13

لاہور(اُردو پوائنٹ اخبارتازہ ترین - این این آئی۔ 17 جولائی2018ء) ضلعی انتظامیہ نے انتخابی جلسوں کے لیے شہر میں 23مقامات کو مختص کر کے نوٹیفکیشن جاری کر دیا ۔ ترجمان ضلعی انتظامیہ کی جانب سے جاری اعلامیہ کے مطابق امیدوار صرف مذکورہ مقامات پر جلسہ کر سکیں گے او رہر امیدوار کیلئے تین دن پہلے مطلع کرکے اجازت لینا لازم ہو گا۔ این اے 133، پی پی 155،167اور 168کے لیے گلشن حباب سکیم کوٹ لکھپت کو جلسہ کے لیے مختص کیا گیا ہے ۔

این اے 134، پی پی 165،168،169اور 170 کے لیے اتوار بازار گرین ٹائون ،این اے 135، پی پی 161،170اور 173کے لیے کرکٹ اسٹیڈیم لیاقت چوک ،این اے 136، پی پی 171،172،173کے لیے شیر شاہ کالونی گرائونڈ ،این اے 123،پی پی 144،145،146کے لیے شاہدرہ ڈگری کالج گرائونڈ، بارہ دری بیگم کوٹ، ٹیکیہ قریشیاں کو جلسہ گاہ کے لیے مخصوص کیا گیا ہے۔

(جاری ہے)

این اے 124، پی پی 146،147،148کے لیے موچی گرائونڈ ،این اے 125، پی پی 149،150 کے لیے بابا گرائونڈ، ناصر باغ اور نہرو پارک ،این اے 126، پی پی 151،152 کے لیے فٹ بال گرائونڈ مون مارکیٹ کو مختص کیا گیا ہے ۔

این اے 127،پی پی 148،153،154کے لیے ریلوے اسٹیڈیم گڑھی شاہو،این اے 128، پی پی 154،155،156کے لیے ریلوے گریفن گرائونڈ کو مختص کر دیا گیاہے ۔این اے 129، پی پی 148،156،157،158 کے لیے گرائونڈ بارہ دری میاں میر ،این اے 130،پی پی 158،159،160،166کے لیے ڈونگہ گرائونڈ وحدت و سمن آباد،مین گرائونڈ فیصل چوک، ملت پارک، غالب مارکیٹ گرائونڈ، کریم بلاک گرائونڈ ،این اے 131،پی پی158، 159،162،163،166کے لیے باب پاکستان گرائونڈ اور نشاط کالونی گرائونڈ کو مختص کر دیا گیاہے۔ترجمان ضلعی انتظامیہ کے مطابق ڈپٹی کمشنر کیپٹن ر انوار الحق نے اس سلسلہ میں باقاعدہ نوٹیفکیشن جاری کردیا ہے۔